ပညာသင် စာသင်ခန်းကိုယ်စီက
မောင်းပြန်မကြောက်
ဒေါင်းအလံတွေအောက်
ရဲရဲကြီးထွက်ခဲ့ ကြ ........
ပြန်လည်ကာတွေး
မဝေးတဲ့နှစ်(၂၀)
လူထုနဲ့တော်လှန်ရေး
၈ လေးလုံးသမိုင်းမှာ..
ရာဇ၀င်ရိုင်း
မျိုးဆက်သစ်သမိုင်းကို သုတ်သင်
စစ်အာဏာရှင်ရဲ့ ရက်စက်
ပက်စက်တဲ့အကြံ
လက်နက်နဲ့ဖြေရှင်း
သူငယ်ချင်းရဲ့ ဖြူစိမ်းမှာ
သံဃာတော်ရဲ့ ခန္ဓာမှာ...
ပြည်သူတွေ ရဲ့ရင်ဘတ်တွေမှာ...။
ကျည်ဆံရာတွေမြင်ရက်စရာမရှိ
သွေးချောင်းစီးခဲ့ရ
၈ လေးလုံးရဲ့ည
ထာဝရ ကမ္ဘာတည်သရွေ့
မမေ့နိုင်တဲ့နေ့
ဒီနေ့ နှစ် ( ၂၀ ) ပြည့်ခဲ့ပြီ ။ ။
ပြည်သူ့အတွက် တိုက်ပွဲဝင်ရင်း ၈လေးလုံးနှင့် အနှစ် (၂၀) အတွင်းကျဆုံးသွားသောတိုက်ပွဲဝင် ရဲဘော်အပေါင်းနှင့်
(တစ်ချိန်က အ.က.သ ၊ ဗ.က.သ ၊သုံးရောင်ခြယ်နောင်တော်များ) အားလုံးရဲ့ကိုယ်စား . . . . .။ ။
ငထ (ဘလုပ်မြေ) 8.8.2008 (3:56)Am
(မှတ်ချက်။ ။ ကဗျာပေးပို့လာသော သူသည် စစ်အာဏာရှင်စနစ်အား ပြည်တွင်းတွင် အနီးကပ် ရင်ဆိုင် တိုက်ပွဲဝင်လျက်ရှိနေသူဖြစ်၍ အလေးထား ဖော်ပြအပ်ပါသည်။ )
No comments:
Post a Comment