မေးပါရစေ..

မြန်မာ့ယဉ်ကျေးမှုနှင့် ထပ်တူနီးပါးမျှ ဆင်တူသည့် ထိုင်းနိုင်ငံတွင်၊ ထိုင်းပြည်သူများသည် ကွမ်းစားသော ဓလေ့အား၊ အကျိုးမရှိသော အမူအကျင့်ဟု သုံးသပ်ကာ၊ ဆင်ခြင်နေထိုင်ခဲ့ကြခြင်းဖြင့်၊ သူတို့၏ အနာဂတ်ကို သူတို့ တည်ဆောက်ယူခဲ့ကြသည်။

ထိုင်းနိုင်ငံတွင် နေထိုင်စဉ်၊ ရင်းနှီးသော ထိုင်းအမျိုးသားတဦးမှ ရှင်းပြခဲ့ရာတွင်-

" လွန်ခဲ့တဲ့ ၁၀ နှစ်လောက်ထိ၊ ကျနော်တို့ ထိုင်းတွေလည်း ကွမ်းစားခဲ့ကြတာပေါ့ဗျာ။ ပြန်သုံးသပ်ကြည့်ရင် သွားတွေလည်း ညစ်ပတ်တယ်။ ခံတွင်းနံ့လည်း မကောင်းဘူး။ အကျီ င်္ပေတဲ့အခါ၊ သပ်ရပ်သန့်ရှင်းမှု မရှိတော့ဘူး။ ကိုယ်အလွယ်တကူ ထွေးလိုက်တဲ့ တံတွေး(ကွမ်းတံတွေး)ဟာ၊ မြင်ရတဲ့ တခြားသူတွေကို ရွံစရာ စိတ်အနှောက်အယှက်ဖြစ်စေတယ်။ ကျန်းမာရေးအတွက်လည်း မကောင်းတဲ့အပြင်၊ ပိုက်ဆံလည်း အကျိုးမရှိပဲ ကုန်၊ နံရံတွေလည်း ညစ်ပတ်စေတာနဲ့၊ ကျနော်တို့ ရပ်မိရပ်ဖတွေအားလုံး အစည်းဝေးလုပ်ကြပြီး၊ ကွမ်းကို စုပေါင်း ဖြတ်ပစ်လိုက်တယ်။ ခု ခင်ဗျားတွေ့တဲ့အတိုင်းပဲ၊ ကျနော်တို့ ထိုင်းတွေ ကွမ်းမစားကြတော့ဘူး။"

သူသည် သာမန် ထိုင်းအရပ်သားတဦးသာလျှင် ဖြစ်သည်။ နိုင်ငံရေးအရ ကြည့်လျှင်၊ မီးခိုးတိတ်စက်ရုံဖြစ်သည့်၊ များပြားလှသော ကမ္ဘာလှည့်ခရီးသည်များအတွက်၊ စက်ဆုတ်ရွံရှာဖွယ် မဖြစ်အောင်၊ လုပ်ကိုင်လိုသည့် အစီအစဉ်လည်း၊ ထိုအထဲတွင် ပါကောင်းပါနိုင်သည်။

စည်းကမ်းရှိသော တိုင်းပြည်၊ စည်းကမ်းသိသော တိုင်းပြည်သည် ဖွံ့ဖြိုးတိုးတက်မှုကို လက်ခံရယူရန် အသင့်ပြင်ဆင်ထားသော အနေအထားပင် မဟုတ်ပါလား။

ကျနော်တို့ တိုင်းပြည်ရဲ့ ပြည်သူတွေရော...
တည်ဆောက်ယူလိုသူ များသလား၊ ဆန့်ကျင် အတိုက်အခံလုပ်လိုသူ များသလားခင်ဗျာ....လို့၊ (မဝံ့မရဲ)..

မေးပါရစေ...