ကိုစိုး | အောက်တိုဘာ ၂၈၊ ၂၀၀၈
မြန်မာစစ်အစိုးရ နိုင်ငံခြားရေးဝန်ကြီး ဦးဥာဏ်ဝင်းသည် မြောက်ကိုရီးယားနိုင်ငံ ပြုံယမ်းမြို့သို့ ယမန်နေ့က ရောက်ရှိနေ ကြောင်း သိရသည်။
အဆိုပါ နိုင်ငံခြားရေး ၀န်ကြီး ဦးဥာဏ်ဝင်းကို မြောက်ကိုရီးယား ဒု နိုင်ငံခြားရေး ၀န်ကြီး ကင် ရန် အီးလ် က လေဆိပ်တွင် ကြိုဆိုပြီး နိုင်ငံခြားရေးဝန်ကြီး ပတ် အီ ချွန်းက မြို့တော် ပြုံယမ်းရှိ မြို့တော်ခန်းမတွင် တွေ့ဆုံ နှုတ်ဆက်သည်ဟု မြောက်ကိုရီးယားအစိုးရ ဗဟိုသတင်းအေဂျင်စီက ဖော်ပြသည်။ အသေးစိတ် သတင်း အချက်အလက်ကိုမူ ဖော်ပြထား ခြင်းမရှိချေ။ မြန်မာစစ်အစိုးရ နိုင်ငံခြားရေးဝန်ကြီး ဦးဥာဏ်ဝင်း (ဓာတ်ပုံ - အေပီ) |
ယခု ခရီးစဉ်သည် လွန်ခဲ့သော ၂၅ နှစ်အတွင်း မြန်မာနိုင်ငံခြားရေး ၀န်ကြီး တဦးအနေနှင့် ပထမ ဆုံးအကြိမ် ဖြစ်ကြောင်းလည်း သိရသည်။
ယင်း ၀န်ကြီး ဦးဥာဏ်ဝင်းသည် တရုတ်နိုင်ငံ ဘေဂျင်းမြို့တွင် ကျင်းပသည့် အာရှ-ဥရောပ (အာဆမ်)အစည်း အဝေး တက်ရောက်ပြီးနောက် ပြုံယမ်းသို့ ထွက်ခွာလာခြင်းဖြစ်ကြောင်း ရန်ကုန်ရှိ အစိုးရ တာဝန်ရှိသူတဦးကို ကိုးကား ၍ အေပီသတင်းကလည်း ရေးသားသည်။
မြန်မာနှင့် မြောက်ကိုရီးယားအစိုးရတို့သည် ၁၉၈၃ ခုနှစ်က မြန်မာနိုင်ငံသို့ အလည်လာရောက်သော တောင် ကိုရီးယား သမ္မတ ချန်ဒူးဝမ် နှင့်အဖွဲ့အား ရန်ကုန်မြို့ အာဇာနည် ဗိမာန်တွင် ကင်မင်ချူး အပါအ၀င် မြောက် ကိုရီးယား နိုင်ငံသား သုံးဦးက ဗုံးခွဲတိုက်ခိုက်မှုနောက်ပိုင်း အနှစ် ၂၀ ကျော် သံတမန် ဆက်ဆံရေး ရပ်ဆိုင်းခဲ့ သည်။
ယင်းဗုံးခွဲ တိုက်ခိုက်မှုကြောင့် တောင်ကိုရီးယား သမ္မတ သေဆုံးခြင်း မရှိသော်လည်း ၀န်ကြီးအဖွဲ့ဝင် ၄ ဦး အပါအ၀င် ၂၁ ဦး သေဆုံး၍ ကင်မင်ချူးကိုမူ မြန်မာ အစိုးရက အင်းစိန်ထောင်တွင် ထောင်ဒဏ် တသက် တကျွန်း ချမှတ်ခဲ့သည်။
မြန်မာနှင့် မြောက်ကိုရီးယားတို့သည် ထိုကဲ့သို့ ၂ နိုင်ငံ သံတမန် ပုံမှန်ဆက်ဆံရေး ရပ်ဆိုင်းခဲ့ရာမှ မကြာသေးသော နှစ်များ အတွင်း တိတ်တဆိတ်ဆက်ဆံရေးများပြုလုပ်လာခဲ့ကာ ပြီးခဲ့သည့် နှစ် ဧပြီလ အတွင်းတွင် တရားဝင် ပုံမှန်ဆက်ဆံရေး ပြန်လည်စတင်ခဲ့ခြင်း ဖြစ်သည်။
မြန်မာစစ်အစိုးရသည် အမေရိကန်နိုင်ငံနှင့် ဥရောပသမဂ္ဂ အဖွဲ့ဝင်နိုင်ငံများက ၎င်းတို့ကို စစ်လက်နက်ပစ္စည်း ရောင်းချမှု ပိတ်ပင်ခဲ့ပြီးနောက်ပိုင်း မြောက်ကိုရီးယားနိုင်ငံမှ လက်နက်ဝယ်ယူမှုများ ရှိကြောင်း သတင်းများ ထွက်ပေါ်ခဲ့သည်။
မြောက်ကိုရီးယားနှင့် မြန်မာစစ်အစိုးရတို့အကြားတွင် လက်နက်ဝယ်ယူရေး ကိစ္စများအပါအ၀င် ၂ ဘက် အပြန် အလှန် ဆက်ဆံရေးတိုးချဲ့နေခြင်းဖြစ်ကြောင်း ထိုင်းနိုင်ငံအခြေစိုက် စစ်ရေးလေ့လာသူ ဦးဌေးအောင်က လည်း ပြောသည်။
“မြောက် ကိုရီးယားနဲ့ မြန်မာအစိုးရကြားမှာ လက်နက်ဝယ်ယူရေး ကိစ္စတွေ အပါအ၀င် ၂ ဘက် အပြန်အလှန် ဆက်ဆံရေး တိုးချဲ့နေ တာလည်းရှိတယ်၊ ရန်ကုန် ဆိပ်ကမ်းကို မြောက်ကိုရီးယား စစ်သင်္ဘောတွေ ဆိုက်ပြီး တော့ အမြောက်ကြီးတွေ အပါအ၀င် လေကြောင်းရန်ကာကွယ်ရေး လက်နက်တွေပေးပို့တဲ့ သာဓကတွေလည်း တွေ့ရတာရှိတယ် ဆိုတော့ အခု နိုင်ငံခြားရေး ၀န်ကြီး သွားတဲ့ ကိစ္စဟာ နောက်ကွယ်မှာ လက်နက်အရောင်း အ၀ယ် ကိစ္စတွေဆက်စပ်ကောင်း ဆက်စပ် မယ်လို့ ပြောလို့ ရပါတယ်” ဟု ဦးဌေးအောင်က ပြောဆိုသည်။
စစ်အစိုးရက တရုတ်၊ အိန္ဒိယနှင့် ရုရှနိုင်ငံများမှ မရရှိနိုင်သော လက်နက်ပစ္စည်းများကို မြောက်ကိုရီးယားမှ ၀ယ်ယူတင်သွင်း ရန် ကြိုးပမ်းနေကြောင်း၊ နျူကလီးယားနည်းပညာကို မြောက်ကိုရီးယားက ဈေးပေါပေါဖြင့် ရောင်းချလိမ့်မည်ဟု ယူဆရ ကြောင်း၊ မြောက်ကိုရီးယားနှင့် မြန်မာနိုင်ငံသည် စီးပွားရေး အကြပ်အတည်းနှင့် ကြုံတွေ့နေရသည့် နိုင်ငံများဖြစ်ပြီး နိုင်ငံ တကာ၏ ပြစ်တင်ဝေဖန်မှုကို ခံနေကြရသောကြောင့် အပြန်အလှန် ထောက်ခံမှု ရှိမည်ဟု ထင်မြင်ကြောင်း ၎င်းက ဆက်ပြောသည်။
မြောက်ကိုရီးယားသမ္မတ ကင်အီဆွန်း လက်ထက်တွင် ပထမဆုံး မြောက်ကိုရီးယားနိုင်ငံဆိုင်ရာ မြန်မာသံ အမတ်ကြီး ဟောင်း ဖြစ်ခဲ့ဖူးသူ သခင်ချန်ထွန်းကလည်း မြန်မာနှင့် မြောက်ကိုရီးယား ၂ နိုင်ငံ စလုံးမှာ စီးပွားရေး ကြပ်တည်းနေသော နိုင်ငံများဖြစ်သည့်အတွက် ယခု နိုင်ငံခြားရေးဝန်ကြီး ဦးဥာဏ်ဝင်း၏ ခရီးစဉ်သည် စီးပွားရေး အတွက် မဖြစ်နိုင်ကြောင်း သုံးသပ်သည်။
“ကိုယ့်နိုင်ငံကိုလာရောက်ပြီး ဒီလောက်စော်ကားထားတဲ့ နိုင်ငံအစိုးရကို အသိအမှတ်ပြုပြီး သံတမန်ရေး ပြန်ဆက်ဆံတာဟာ တော်ရုံကိစ္စတော့ မဟုတ်ပါဘူး၊ လက်နက်ကိစ္စ၊ နျူကလီးယားကိစ္စအတွက် အကူအညီ ရနိုင်ဖို့ သွားတယ်လို့ ဒီလိုပဲ ယူဆတယ်” ဟု သခင်ချန်ထွန်းကပြောသည်။
မကြာသေးခင်က မြောက်ကိုရီးယားသို့ အားကစား ၀န်ကြီး ဗိုလ်မှူးချုပ် သူရအေးမြင့် သွားရောက်ခဲ့ကြောင်း နှင့် ယခုနှစ် အစောပိုင်းက စစ်အစိုးရ ထိပ်ပိုင်းခေါင်းဆောင် တချို့သည်လည်း အလည်အပတ် သွားရောက်ခဲ့သေး ကြောင်း သိရသည်။
လွန်ခဲ့သော စက်တင်ဘာလလယ်က ၂ နိုင်ငံ သံတမန် ဆက်ဆံရေးအတွက် ရန်ကုန်မြို့တော် ၀န် ဗိုလ်မှူးချုပ် အောင်သိန်းလင်းသည် ပြုံယမ်းသို့ သွားရောက်ခဲ့ပြီး ယင်းမတိုင်မီ ဇူလိုင်လနှင့် သြဂုတ်လအတွင်း က တပ်မတော် စစ်လက်နက်ပစ္စည်း ထုတ်လုပ်ရေး အရာရှိချုပ် ဒု ဗိုလ်ချုပ်ကြီးတင်အေးနှင့် လေကြောင်း ရန် ကာကွယ်ရေး အရာရှိ ချုပ် ဒု ဗိုလ်ချုပ်ကြီး မြင့်လှိုင်တို့ပါဝင်သော အဖွဲ့တဖွဲ့သည်လည်း မြောက်ကိုရီးယား သို့ သွားရောက်ခဲ့ ကြောင်း၊ လွန်ခဲ့သော ၃ လ အတွင်း မြောက်ကိုရီးယားသို့ အစိုးရအဆင့်ရှိ မြန်မာစစ်တပ်အရာရှိ အဖွဲ့ အနည်းဆုံး ၃ ဖွဲ့ သွားရောက်ခဲ့ကြောင်းတို့ကို အေးရှားတိုင်း သတင်းဌာနက အောက်တိုဘာလဆန်းတွင် ရေးသားထားသည်။
No comments:
Post a Comment