| |  |  |
| မဇ္ဈိမသတင်းဌာန |
| ဗုဒ္ဓဟူးနေ့၊ အောက်တိုဘာလ 29 2008 17:13 - မြန်မာစံတော်ချိန် |
| ချင်းမိုင်။ ။ အမျိုးသား ဒီမိုကရေစီအဖွဲ့ချုပ် ရုံးချုပ်အနီး ရန်ကုန်မြို့တွင်း လူစည်ကားရာ ရွှေဂုံတိုင် လမ်းဆုံတ၀ိုက်တွင် သုံးရက်အတွင်း ဓားပြတိုက် လုယက်မှုနှစ်ခု ဖြစ်ပွားခဲ့သည်။ ဗဟန်းမြို့နယ် ရွှေဂုံတိုင်လမ်းဆုံအနီး အပေါ်ထပ်ရှိ ဆိုင်ပိုင်ရှင်မိသားစုရှိရာသို့ ယနေ့ နံနက် ၃ နာရီခန့်က လူစိမ်းတဦး ၀င်ရောက်လာပြီး ဓားပြကာ အိမ်ရှင် အမျိုးသမီးထံမှ ငွေနှင့် လက်ဝတ်စားများ ခြိမ်းခြောက်တောင်းခဲ့သည်ဟု အိမ်နီးချင်းများ အပြောအရ သိရသည်။ နေအိမ်ရှိ အခြားသူများ နိုးလာသောအခါ ၀ရံတာမှတဆင့် ဓားပြက ထွက်ပြေး လွတ်မြောက် သွားသည်ဟု ဆိုသည်။ သတင်းရေးသားချိန်အထိ ကုမ္မာရီစတိုးဆိုင်ကို ဆက်သွယ် မေးမြန်း၍ မရနိုင်သော်လည်း အိမ်နီး ချင်းတဦး ပြောပြချက်အရ လက်ကောက်တခုနှင့် ငွေသားကျပ် ၃ သိန်း ဓားပြနှင့် ပါသွားသည်ဟု ဆိုသည်။ သို့သော် အမှုတိုင်တန်းထားခြင်း မရှိသေးကြောင်း ဗဟန်းရဲစခန်းက မဇ္ဈိမကို ပြောကြားသည်။ အတိုက်အခံ နိုင်ငံရေးပါတီ အမျိုးသား ဒီမိုကရေစီအဖွဲ့ချုပ်သည် ရွှေဂုံတိုင်လမ်းဆုံမှ မီတာ ၂၀၀ ခန့်တွင် တည်ရှိသည်။ အဖွဲ့ချုပ်၏ လှုပ်ရှားမှုကို အာဏာပိုင်များက အမြဲမပြတ် စောင့်ကြည့်နေ သဖြင့် ရွှေဂုံတိုင် လမ်းဆုံအနီးတွင် လုံခြုံရေးများ မပြတ်မလပ် ရှိနေသော်လည်း နောက်ထပ် လုယက်မှုတခုလည်း ပေ ၁၀၀ ခန့် ဝေးကွာသော နေရာတွင် ဖြစ်ပွားခဲ့သေးသည်။ တနင်္လာနေ့က ယုဇနတာဝါ ၁၃ ထပ်ရှိ နေအိမ်ခန်းတခုကို လူတစုက ၀င်ရောက် ဓားပြတိုက် ခဲ့သည်။ "ဓားပြမှုနဲ့ အမှုလာဖွင့်ထားတာ ဟုတ်ပါတယ်။ ယုဇန တာဝါက အခန်းတခုမှာပါ။ … တရားခံ မမိသေးပါဘူး" ဟု ဗဟန်းရဲခန်းမှ အရာရှိတဦးက မဇ္ဈိမကို အတည်ပြု ပြောသည်။ သို့သော်လည်း သတင်းဌာနများသို့ ဖြေကြားခွင့် မရှိသေး၍ အသေးစိတ်ပြောရန် ငြင်းဆန်သွား ခဲ့သည်။ ဓားပြတိုက်သူများက အိမ်ရှင်များကို ချုပ်နှောင်၊ ပါးစပ်များကို တိတ် Tape ဖြင့် ပိတ်ကာ ငွေနှင့် လက်ဝတ်ရတနာများ လုယူသွားခဲ့သည်ဟု အိမ်နီးချင်းတဦးက ပြောသည်။ "ကျမတို့ တခါတလေ အဲဒီ အထပ်ကို ဓာတ်လှေကားနဲ့ ပါသွားမိရင်တောင် အဲဒီ အထပ်က သံဇကာနဲ့ ပိတ်ထားတာကြီး။ အကြောင်းသိပဲ ဖြစ်ဖို့ များမယ်" ဟု ယုဇနတာဝါ ၉ ထပ်တွင် နေသူတဦးက မဇ္ဈိမကို ပြောသည်။ ယုဇန တာဝါသည် အောက်ဆုံးထပ်တွင် ဆိုင်ခန်းများ ဖွင့်လှစ်ထားပြီး အပေါ်ထပ်တွင် လူနေအိမ်ခန်း များနှင့် ရုံးခန်းများလည်း ဖွင့်လှစ်ထားသည်။  လုယက်ဖောက်ထွင်းခံလိုက်ရသော ကုမ္မာရီစတိုးဆိုင်။ ဓာတ်ပုံ-မဇ္ဈိမ |
No comments:
Post a Comment