၂၀၀၉ ခုနှစ် နှစ်သစ် နှုတ်ခွန်းဆက်လွှာ
တပ်မတော်ခေါင်းဆောင် စစ်တိုင်းမှူးကြီး ဗိုလ်ချုပ်ကြီးခင်ဗျား
ဗိုလ်ချုပ်မှူးကြီးသန်းရွှေ၏ အုပ်ချုပ်လုပ်ကိုင်ပုံ မှားယွင်းမှုကြောင့် တတိုင်းပြည်လုံးရှိ ပြည်သူများ၊ ၀န်ထမ်းများပါမက တပ်မတော်သားများပါ ငတ်ပြတ်၊ အကျင့်စာရိတ္တ ချစား ပျက်ပြားကုန်သည့်အပြင် ကိုးကွယ်ရာ ဗုဒ္ဓသာသနာလည်း ပျောက်ကွယ်ရမည့် ဘေးအန္တရာယ်သို့ ကျရောက်နေပါသည်ခင်ဗျား။
ဗိုလ်ချုပ်မှူးကြီးသန်းရွှေလက်အောက်သို့ ကျရောက်နေသော ယိုယွင်းပျက်စီးလျက်ရှိသည့် အမိမြန်မာပြည်အား အချိန်မီကယ်တင်၍ ပြည်သူသတ်သော သတ်မတော် အဖြစ်မှ ပြည်သူချစ်သော တပ်မတော်အဖြစ်သို့ အသွင်ပြောင်းပေးပါရန် စစ်တိုင်းမှူးကြီး ဗိုလ်ချုပ်ကြီးထံသို့ သမိုင်း၏ လိုအပ်မှုတာဝန်တစ်ရပ် ထမ်းဆောင်ရွက်ရန်အတွက် ရောက်ရှိနေပါကြောင်း သတိပြုမိပါရန် တင်ပြအပ်ပါသည်ခင်ဗျား။
အချိန်အခါ၊ အခြေအနေတို့သည်လည်း စစ်တိုင်းမှူးကြီး ဗိုလ်ချုပ်ကြီးထံသို့ ရောက်ရှိနေပါသည်။
သက္ကရာဇ် ၂၀၀၉ ခုနှစ်ကို ဂဏန်းအားလုံးပေါင်းပါက ၁၁ ရသည်။ တနင်္ဂနွေ ၂ထပ်ဖြစ်ကာ အာဏာကို အောင်မြင်မည့် နှစ်ဖြစ်သည်။ စိုးမိုးဂဏန်း ၁၁ နှင့် ပတ်သက်သော ထူးခြားဖြစ်စဉ် တို့ ပေါ်ပေါက်မည်။ နိုင်ငံ၏ တည်နေရာကို နက္ခတ္တဗေဒ နည်းဖြင့် တွက်လျှင်မူ မြန်မာနိုင်ငံ၏ ကံကြမ္မာသည် ၂၀၀၉ ခုနှစ်အတွင်း ပြည်သူများ ၀မ်းမြောက်ဝမ်းသာဖြစ်မှု၊ ကောင်းချီး သြဘာထောပနာပြုမှု အကြီးအကျယ် ပေါ်ပေါက်ရမည်။ တနည်းအားဖြင့် ဆိုသော် ပြည်သူများလည်း ၁၁ မီးငြိမ်းရမည့်ကိန်း ဆိုက်ရောက်ခြင်းပင်ဖြစ်သည်။
ထို့ကြောင့် အမိမြန်မာပြည်၏ ပြည်သူများ (တပ်မတော်သားများအပါအ၀င်) အသီးသီးတို့၏ ရင်ထဲ ယခုချိန်ထိတိုင် တောက်လောင်ကျွမ်းလျက်ရှိသော ၁၁ မီးများ ငြိမ်းရန်အတွက် စစ်တိုင်းမှူးကြီး ဗိုလ်ချုပ်ကြီးကိုယ်တိုင် သမိုင်း၏တောင်းဆိုမှု၊ နက္ခတ်တို့၏ အချိန်အခါသင့် ပံ့ပိုးကိုက်ညီမှုနှင့် ကိုယ်တိုင်စွမ်းရည် အရည်အချင်းရှိမှုတို့နှင့်အတူ ဦးဆောင် ဆောင်ရွက်ပေးပါရန်နှင့် အပြောလွယ်သလောက် အလုပ်ခက်သော်လည်း တရားမျှတမှုကို လိုလားသော အရည်အချင်းပြည့်ဝသည့် ဗိုလ်ချုပ်ကြီးအတွက် ဤတိုက်ပွဲကို အောင်မြင်စွာ သိမ်းပိုက်၊ ဖြတ်ကျော်၊ အောင်ပွဲခံနိုင်မည်ဟု ချွင်းချက်မရှိ ယုံကြည်မိပါကြောင်း သက္ကရာဇ် ၂၀၀၉ ခုနှစ်အတွက် နှုတ်ခွန်းဆက်သ၀ဏ်လွှာ မင်္ဂလာစကား တင်ပြအပ်ပါသည်ခင်ဗျား။
(အယူတော်မင်္ဂလာတင်သွင်းသူ မောင်ပွကြီး)
No comments:
Post a Comment