တော်ဘုရားလေး အမှတ်တရ စာပေဆုပေးပွဲ နေရာပြောင်း

နန်းဒေဝီ

တနင်္လာနေ့၊ ဖေဖေါ်ဝါရီလ 23 2009 18:04 - မြန်မာစံတော်ချိန်

နယူးဒေဝီ (မဇ္စျိမ) ။ ။ စာရေးဆရာ တော်ဘုရားလေးအောင်ဇေ အမှတ်တရ တတိယအကြိမ်မြောက် စာပေဆုပေးပွဲ အခမ်းအနား ပြုလုပ်ရန် အာဏာပိုင်များက ခွင့်မပြုသဖြင့် အစီအစဉ် ဖျက်သိမ်းလိုက်ရသည်။ ရန်ကုန်တိုင်း ကျောက်တံတားမြို့ နယ်ရှိ ဟိုတယ်တခုတွင် အင်္ဂါနေ့ မနက်ဖြန်တွင် ပြုလုပ်ရန် စီစဉ်ထားသည့် အဆိုပါ စာပေဆုပေးပွဲကို မြို့နယ် အေးချမ်းသာယာရေးနှင့် ဖွံ့ဖြိုးရေးကောင်စီ (မယက) မှ ပွဲမိန့်ချမပေးသဖြင့် ဖျက်သိမ်းလိုက်ရခြင်း ဖြစ်သည်။ "စနေနေ့က ဟော်တယ်က ကျမတို့ကို ပွဲမိန့်တောင်းတယ်။ စာနယ်ဇင်းအဖွဲ့ မဟုတ်ရင် စာပေစိစစ်ရေးအဖွဲ့ကို ပွဲမိန့်ယူလာပါလို့ ပြောတယ်။ အဲဒီက ပွဲမိန့်ပါမှလို့ ကျမတို့ကို ပြောတယ်။ တခြား ဘာကြောင့်ဆိုတာ မပြောဘူး" ဟု တော်ဘုရားလေး သမီး ဒေါ်ဒေဝီသန့် ဇင်က မဇ္ဈိမကို ပြောသည်။ သူက ဆက်ပြီး "အရင်ကလဲ တခါမှ ပွဲမိန့် မတောင်းခဲ့ဖူးဘူး။ အခုတော့ မရဘူးဆိုတော့လည်း နေရာပြောင်း လုပ်ရမယ်။ ဧည့်သည်တွေလည်း ဖိတ်ပြီးသား ဖြစ်နေတယ်" ဟု ပြောသည်။ ပြီးခဲ့သည့်နှစ်က ဒုတိယအကြိမ်မြောက် စာပေဆုပေးပွဲကို သမတ ဟိုတယ်တွင် ကျင်းပခဲ့ရာ မည်သည့်ပွဲမိန့်မှ တောင်းခံခြင်း မရှိသလို ယခုပြုလုပ်မည့် ဟိုတယ်တွင် ပြုလုပ်ခဲ့ကြသည့် စာပေနှင့် ဆက်နွယ်သည့် အခမ်းအနားများတွင်လည်း ပွဲမိန့်တောင်းခံခဲ့ခြင်းမျိုး မရှိဖူးကြောင်း သိရသည်။ ယခု ပွဲမိန့်တောင်းခံခြင်းသည် ဇန်နဝါရီလအတွင်းက ပြုလုပ်သွားခဲ့သည့် ဘာသာပြန် စာအုပ်ဖွင့်ပွဲတခုတွင် ဖွင့်ပွဲတွင် နှစ်ရှည် အကျဉ်းကျခံခဲ့ရသူ အမျိုးသား ဒီမိုကရေစီ အဖွဲ့ချုပ်ခေါင်းဆောင် တဦးဖြစ်သူ ဦးဝင်းတင် ပါဝင်တက်ရောက်ခဲ့ခြင်းကြောင့် ဖြစ်နိုင်သည်ဟု စာပေအသိုင်းအဝိုင်းက ဆိုသည်။ ယခုတကြိမ်ပြုလုပ်မည့် တော်ဘုရားလေး စာပေအမှတ်တရ ဆုပေးပွဲတွင် စာပေ၊ စာနယ်ဇင်းမှ စာရေးဆရာများ၊ ကဗျာဆရာများ စုစုပေါင်း ၁၀၀ ကျော် ဖိတ်ခေါ်ထားပြီးဖြစ်ရာ ဦးဝင်းတင်လည်း ပါဝင်သည်။ ၂၀၀၇ ခုနှစ်မှ စတင်ကာ စာရေးဆရာ တော်ဘုရားလေး အမှတ်တရ စာပေဆုပေးပွဲကို နှစ်စဉ် ပြုလုပ်လာခဲ့သည်။ ယခုနှစ်တွင် ဝတ္ထုတိုပေါင်းချုပ်ဆုနှင့် မဂ္ဂဇင်းဆုတို့ကို ငွေသားအဖြစ် ကျပ်ငွေ ၁ သိန်းစီ ချီးမြှင့်ရန် စီစဉ်ထားသည်။ တော်ဘုရားလေးသည် ဘိုးတော် သီပေါမင်းနှင့် ဘွားတော် စုဖုရားလတ်တို့မှ မွေးဖွားခဲ့သော သမီးတော် ၄ ပါးအနက် စတုတ္ထမြောက် သမီးတော်၏ စတုတ္ထမြောက်သားတော် ဖြစ်သည်။ သမိုင်းနှင့် ပတ်သက်သည့် စာအုပ်များဖြစ်သော ပြည်သူချစ်တဲ့ မျိုးဆက်သစ်၊ လန်ဒန်ရောက် ပတ္တမြား ငမောက်၊ ရတနာပုံမှ ရတနာဂီရိသို့  စသည့် စာအုပ်များကို ရေးသားခဲ့သည်။ သူသည် ၂၀၀၆ ခုနှစ် ဇွန်လ ၁၈ ရက်နေ့တွင် ကွယ်လွန်ခဲ့သည်။