NEJ/၂၇ အောက်တိုဘာ ၂၀၀၈
၂၀၁၀ ပြည့်နှစ် ရွေးကောက်ပွဲအပြီး ပေါ်ပေါက်လာမည့် ရုပ်သေးအရပ်သားအစိုးရသစ်တွင် သမတအဖြစ် ဗိုလ်ချုပ်မှူးကြီးသန်းရွှေက တာဝန်ယူမှာဖြစ်ပြီး ၀န်ကြီးချုပ်အဖြစ် ဒုတိယ ဗိုလ်ချုပ်ကြီး သီဟသူရ တင်အောင်မြင်ဦးကို ခန့်ထားမည်ဟု နေပြည်တော် နအဖအတွင်းရေးမှူးရုံးနှင့် နီးစပ်သည့် သတင်းရပ်ကွက်က ပြောသည်။
(သတင်းအသေးစိတ်ကို မကြာခင် ဆက်လက် အစီရင်ခံသွားမည်ဖြစ်သည်)
ဘ၀ရဲ့နွမ်းကြေမှုများကို ဖြတ်သန်းခဲ့ဖူးသူတစ်ယောက်အဖို့ အဓိက အခက်အခဲ များကိုပင် သာမညဖြစ်သွားအောင် ပြုမူနေထိုင်တတ်သော်လည်း ဖိစီးမှုသောကဒဏ်ကို လူမသိသူမသိ လူးလိမ့်ခံစား နေရသည်မှာကား ဓမ္မထာတစ်ခုလို ကျွန်တော့်အတွက် ဖြစ်တည်နေခဲ့သည်..........။
ဘ၀ရဲ့ရုပ်တုကို သရုပ်သကန်ဖော်ရာ၌ မလိုအပ်သော၊ ပိုနေသော အပိုင်းအစများကို ရှင်းလင်း၍ ပီပြင်အောင် ထုဆစ်ရသော်လည်း တိုးတိုက် ထိရှမှု များနှင့် ခက်ခဲကြမ်းတမ်းခြင်းတို့ကိုတော့ ဖြတ်သန်းမှု သမိုင်းအနေဖြင့် ထားရစ်ခဲ့ ရမည်ဖြစ်ပေသည်။..........
အကဲဆတ်၍ တိမ်းစောင်းမရသည့်အပိုင်းသို့ရောက်လျှင် မှန်ကန် တိကျသောဆုံးဖြတ်ချက် သည်ပင်လျှင် ကိုယ့်သံသယဖြင့် ကိုယ်ပြန်ဖတ်ကာေ၀၀ါး တွေဝေတတ်သေးသည်လည်း ရှိသေးသည်။
မလူးသာ၊ မလွန့်သာကျင်လည်ရင်း အရာရာကို သတိဖြင့်ဆင်ခြင်တတ်ရန် သင်ယူခဲ့ပြီးနောက် အချိန်မလောက်ခြင်း၊ အထီးကျန်မဆန်သော်လည်း မသိမသာ ဝေးကွာလာခြင်းနှင့် ရင့်ကျက်မှု အစပျိုးချိန်မှာပင် ဆန့်ကျင်ဘက်နှစ်ခု၏ ရိုက်ခတ်ခြင်း လှိုင်းများကိုပါ ဥပေက္ခာပြု နေနိုင်အောင် ကျနော် ကြိုးစားရမည်လား ဆိုသည်ကိုပင် မဝေခွဲနိုင် ဖြစ်ရပြန်သည်။
ကောက်ကြောင်းတချို့၏စစ်တမ်းများတွင် ဘ၀သည် မျက်လှည့်လိုပင် ဖြစ်နေတတ်ပြန်သည်။
ကောင်းတာလုပ်သည့် ၀န်းကျင်ပင်လျှင် စေတနာနှင့် ဝေဖန်ထောက်ပြသူ နည်းပါးသလောက် ရှုံ့ချ၊ အပြစ်တင်၊ ကဲ့ရဲ့သူတွေ များပြားနေသည်ကို သဘာဝတစ်ခုအနေဖြင့် ရပ်တည်ခဲ့ဖူးသည်။
ကောင်းတာလုပ်သော်လည်း ကောင်းတာမဖြစ်တတ်ခဲ့တာကို တွေ့ရခဲ့သလို.............
ဆိုးပေမယ့် ကောင်းသွားသော အခြေအနေကိုလည်း တွေ့ကြုံရပြန်ပါသည်။
ခြေတစ်လှမ်းမှ မလှမ်းရသေးခင် ကြိုတင်မောပန်းနေခဲ့ဖူးသလို.........
မမောမပန်းပဲ တောင်ထိပ်ရောက်နေသည့်အခါလည်း ကြုံခဲ့ဖူးသည်။
ဤကဲ့သို့ အစွန်းနှစ်ဖက်ကြား ဟိုကပ်၊ ဒီပြေးကျင်လည်ဖြတ်သန်းရင်း ကိုယ့်စိတ်၏အသုံးချခြင်း ကို ခံနေရသည့်သတ္တ၀ါဟုလည်း ကိုယ့်ဖာသာကိုယ် ပြန်ဖတ် နေခဲ့သည့် အကြိမ်တွေဟာလည်း မနည်း တော့။
အရာရာ တက်မက်မှုမရှိအောင် ကျင့်ကြံရင်း၊ ဘ၀ကို ပေါ့ပေါ့ပါးပါးနဲ့ ဖြတ်သန်းတတ်လာချိန်တွင် တန်ဘိုးမရှိဟု သတ်မှတ်ခံရသည်ကိုလည်း အမှတ်မထား နိုင်ပြန်။ မွေးကတည်းက အငိုနှင့်စခဲ့သောဘ၀ကို သေဆုံးသောအခါ ပြီးပြည့်စုံသည့် ကျေနပ်မှု အပြုံးနှင့် သေသွားချင်သည်။
ဤသည်မှာ ကျွန်ုပ် မောင်ပွကြီး၏ ဘ၀အကြောင်းပင် ဖြစ်ပါသည်။
No comments:
Post a Comment