| မြင့်မောင် |
| ဗုဒ္ဓဟူးနေ့၊ အောက်တိုဘာလ 29 2008 22:53 - မြန်မာစံတော်ချိန် |
| နယူးဒေလီ။ ။ တရုတ်နိုင်ငံတွင် ရောင်းစားခံရသူ မြန်မာအမျိုးသမီးများအား နေရင်းသို့ ပြန်လည် ပို့ဆောင်ပေးခြင်းများ ပြုလုပ်လျှက် ရှိသည်။ တရုတ်နိုင်ငံ အမ်းဝေ ပြည်နယ်မှ အဖမ်းခံခဲ့ရသူ မိန်းကလေး ၆ ဦးအား အောက်တိုဘာ ၂၁ ရက်နေ့က တရုတ်အာဏာပိုင်များက မြန်မာဘက်သို့ ပို့ဆောင်ပေးခဲ့သည်။ "ဘေဂျင်း အိုလံပစ်ပွဲနီးတော့ သန်းခေါင်စာရင်းကို ကြပ်မတ်ကောက်ခံတဲ့ အချိန်မှာ လ၀က (လူဝင်မှုကြီးကြပ်ရေး) အမှုနဲ့ အဖမ်းခံရတာ ဖြစ်တယ်။ ရောင်းစားခံရသူတွေက ကွန်ကြိုး၊ ဖူးကျင်း၊ ယူနန်၊ အမ်းဝေ၊ ဆန်တုံ၊ စစ်ထွာ ပြည်နယ်မှာ လ၀က အမှုနဲ့ အဖမ်းခံရတယ်" ဟု ပြန်လည် ပို့ဆောင်ရာတွင် ပါဝင်ကူညီပေးနေသူ ဦးအောင်ကျော်ဇောက မဇ္ဈိမကို ပြောသည်။ အသက် ၁၈ နှစ်မှ ၃၅ နှစ်ကြားရှိ စုစုပေါင်း အမျိုးသမီး၂၀၀ ခန့်ကို အသုတ်လိုက်ခွဲ၍ ပြန်လည် ပို့ဆောင်မည် ဖြစ်သည်။ ကချင်ပြည်နယ်၊ ရှမ်းပြည်နယ်၊ ရန်ကုန်တိုင်းနှင့် မန္တလေးတို့မှ ပါဝင်သော လူကုန်ကူးခံရသူများကို တရုတ်နိုင်ငံ ယူနန်ပြည်နယ်ရှိ လွယ်ကျယ်မြို့မှ မြန်မာဘက်ခြမ်း ရှမ်းပြည်နယ် လားရှိုးမှ မူဆယ်ရှိ လူကုန်ကူးမှု တားဆီး ကာကွယ်ရေးအဖွဲ့ထံ ပေးပို့သွားမည် ဖြစ်သည်။ ဖူးကျင်းဒေသတွင် တရုတ် တံငါသည်များထံ မယားအဖြစ် ရောင်းစားခံရသူ ၁၈ ဦးအား နှစ်နိုင်ငံ အဖွဲ့အစည်းက မကြာမီ ပြန်ပို့ဖွယ် ရှိသည်။ အများစုမှာ မိသားစု စားဝတ်နေရေး ပြဿနာကြောင့် အလုပ်ရှာဖွေရင်း လူပွဲစားများ လက်တွင်းသို့ ကျရောက်ကာ ရောင်းစားခံရသူများ ဖြစ်သည်။ မြန်မာနိုင်ငံမှ တရုတ်ပြည်သို့ ရောင်းစားခံရသော အမျိုးသမီးငယ်များသည် မယားအဖြစ်၊ အိမ်ဖော်အဖြစ် ခိုင်းစေခံကြရသည်။ |
Thursday, October 30, 2008
ရောင်းစားခံရသူ အမျိုးသမီးများ တရုတ်က ပြန်လည်လွှဲအပ်
Subscribe to:
Post Comments (Atom)
No comments:
Post a Comment