ရှိတ်ဟာစီနာ ဒေါ်အောင်ဆန်းစုကြည် လွတ်မြောက်ရေး လိုလား

ဆစ်ဒစ် အစ္စလမ်

စနေနေ့၊ ဇန်နဝါရီလ 03 2009 14:38 - မြန်မာစံတော်ချိန်

ဒါကာ (မဇ္ဈိမ)။ ။ ဘင်္ဂလားဒေ့ရှ် ဝန်ကြီးချုပ်သစ် ဖြစ်လာတော့မည့် ရှိတ်ဟာစီနာက မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၏ ကြာမြင့်လှပြီဖြစ်သော နေအိမ်အကျယ်ချုပ်မှ လွတ်မြောက်ရေးနှင့် အိမ်နီးချင်း နိုင်ငံအားလုံးနှင့် ရင်းနှီး ချစ်ကြည်သော ဆက်ဆံရေးကို လိုလားကြောင်း ပြောဆိုလိုက်သည်။ အဝါမီလိဂ် (Awami League) ပါတီခေါင်းဆောင်သော မဟာညွန့်ပေါင်း အဖွဲ့ကြီးက တနင်္လာနေ့က ကျင်းပခဲ့သော ပါလီမန် ရွေးကောက်ပွဲတွင် အပြတ်အသတ် အနိုင်ရရှိခဲ့ပြီးနောက် အဝါမီလိဂ်ပါတီ ဥက္ကဋ္ဌ ရှိတ်ဟာစီနာက ဒါကာမြို့ရှိ ဘင်္ဂလာဒေ့ရှ်-တရုတ် ကွန်ဖရင့်ဗဟိုဌာနတွင် ဗုဒ္ဓဟူးနေ့က ပထမဆုံး ကျင်းပသော သတင်းစာ ရှင်းလင်းပွဲတွင် ထိုသို့ တောင်းဆိုပြောကြားလိုက်ခြင်း ဖြစ်သည်။ "ကျမကိုယ်တိုင်လည်း ဒီမိုကရေစီ ပြန်လည် ထွန်းကားရေးအတွက် တိုက်ပွဲဝင်ရင်း ကျမနိုင်ငံအတွင်းမှာ အကျဉ်းချခံခဲ့ရပါတယ်။ သူ့ (ဒေါ်အောင်ဆန်းစုကြည်) အနေနဲ့လည်း အကျဉ်းထောင်အတွင်းမှာ မရှိသင့်တော့ပါဘူး။ ဒါကြောင့် ဒေါ်အောင်ဆန်းစုကြည်ကို လွှတ်ပေးဖို့ ကျမတို့ တောင်းဆိုပါတယ်" ဟု ရှိတ်ဟာစီနာက သတင်းထောက်များ၏ မေးမြန်းချက်ကို ဖြေကြားရာတွင် ပြောဆိုသည်။ သူ့အစိုးရအနေဖြင့် ယနေ့ ကမ္ဘာတွင် အလျင်မြန်ဆုံးနှုံးဖြင့် ဖွံ့ဖြိုးကြီးထွားလာနေသော စီးပွားရေးအင်အားကြီး နိုင်ငံဖြစ်သည့် တရုတ်နိုင်ငံနှင့် ရင်းနှီးချစ်ကြည်သော ဆက်ဆံရေးကို ဆက်လက် ထိန်းသိမ်းသွားမည် ဖြစ်ကြောင်းနှင့် ဘင်္ဂလားဒေ့ရှ် နိုင်ငံတွင် တရုတ်နိုင်ငံ၏ ရင်းနှီးမြှုပ်နှံမှုများ ရရှိရန်လည်း ကြိုးပမ်းသွားမည် ဖြစ်ကြောင်း သူက ပြောသည်။ ၅ နှစ်နှင့် ၂ နှစ် အာဏာလက်မဲ့ ဖြစ်ခဲ့ရပြီး၊ ယခု ဒုတိယအကျော့ အာဏာ ပြန်လည် ရရှိလာခဲ့သည့် ရှိတ်ဟာစီနာသည် ဇန်နဝါရီလ ၁ဝ ရက်နေ့မတိုင်ခင် ဝန်ကြီးချုပ်သစ်အဖြစ် ကျမ်းသစ္စာ ကျိန်ဆိုလိမ့်မည်ဟု မျှော်လင့်ရသည်။ သူ့အစိုးရ၏ ပထမဆုံး လုပ်ဆောင်မည့် လုပ်ငန်းမှာ မြင့်တက်နေသော အခြေခံ စားကုန်နှင့် ကုန်စည်များ၏ ဈေးနှုံးကို သာမန် ပြည်သူများ လက်လှမ်းမီသည့် အဆင့်သို့ လျှော့ချပေးရန်နှင့် ဆင်းရဲမွဲတေမှုကို တိုက်ဖျက်ရန် ဖြစ်သည်ဟု ပြောကြားသွားခဲ့သည်။ မဟာမိတ်ပါတီများ အနိုင်ရခဲ့သည့် နေရာများ မပါဝင်ဘဲနှင့်ပင် အဝါမီလိဂ်ပါတီ (AL) တခုတည်းက ဤ နဝမ အကြိမ်မြောက် ပါလီမန် ရွေးကောက်ပွဲတွင် အမတ်နေရာပေါင်း ၂၃ဝ ရရှိခဲ့ပြီး၊ ၂ဝဝ၁ ခုနှစ်က ရရှိခဲ့သော အမတ်နေရာပေါင်း ၆၂ နေရာထက် အများကြီး ပိုမိုရရှိခဲ့ခြင်း ဖြစ်သည်။ ဤ AL ၏ အပြတ်အသတ် အနိုင်ရမှုသည် လုပ်ကြံသတ်ဖြတ်ခြင်းခံခဲ့ရသော သမတဟောင်း ရှိတ်မူဂျီဘူရာမန် ၁၉၇ဝ ခုနှစ်က ရရှိခဲ့သည့် ရာဇဝင်တွင်ခဲ့သည့် ရွေးကောက်ပွဲရလဒ်ကို နောက်တကြိမ် ပြန်ပြောင်းအောက်မေ့ဘွယ် ဖြစ်သည်။ သို့သော် ဤရလဒ်ကို ထိုအချိန်က ပါကစ္စတန် အစိုးရက လက်မခံဘဲ ပယ်ချခဲ့သည်ဟု နိုင်ငံရေး အကဲခတ်များက ပြောဆိုကြသည်။ ရွေးကောက်ပွဲကော်မရှင် (EC) ၏ ရေတွက်မှုအရ မဟာညွန့်ပေါင်းအဖွဲ့ (Grand Alliance) က ၂၆၂ နေရာ အနိုင်ရရှိခဲ့ပြီး၊ ဘင်္ဂလားဒေ့ရှ် အမျိုးသားပါတီ (BNP) ခေါင်းဆောင်သည့် ၄ ပါတီ ညွန့်ပေါင်းအဖွဲ့က ၃၂ နေရာသာ ရရှိခဲ့၍၊ တသီးပုဂ္ဂလက ၄ နေရာနိုင်ကာ လစ်ဘရယ်ဒီမိုကရက်တစ်ပါတီ (LDP) က တနေရာသာ အနိုင်ရရှိခဲ့သည်ဟု ဆိုသည်။ ဤရွေးကောက်ပွဲတွင် တသီးပုဂ္ဂလ ကိုယ်စားလှယ်လောင်းများ အပါအဝင် နိုင်ငံရေးပါတီပေါင်း ၃၉ ပါတီမှ အမတ်လောင်း ၁၅၅၅ ဦး ဝင်ရောက် ယှဉ်ပြိုင်ခဲ့သည်။ ဤရွေးကောက်ခံ လွှတ်တော်ကိုယ်စားလှယ်များက လက်ရှိ အိမ်စောင့်အစိုးရ နေရာတွင် လွှဲပြောင်း တာဝန်ယူသွားမည် ဖြစ်သည်။ နောက်ဆုံး ကျင်းပခဲ့သော ရွေးကောက်ပွဲမှာ အဌမအကြိမ်မြောက် ပါလီမန်လွှတ်တော်အတွက် ကျင်းပခဲ့သည့် ရွေးကောက်ပွဲဖြစ်ပြီး ၂ဝဝ၁ ခုနှစ် အောက်တိုဘာလ ၁ ရက်နေ့က ကျင်းပခဲ့ခြင်း ဖြစ်သည်။ ဤရွေးကောက်ပွဲတွင် တသီးပုဂ္ဂလ ကိုယ်စားလှယ်လောင်း ၄၈၄ ဦး အပါအဝင်၊ နိုင်ငံရေးပါတီပေါင်း ၅၄ ပါတီမှ လွှတ်တော် ကိုယ်စားလှယ်လောင်း စုစုပေါင်း ၁၉၃၅ ဦး ဝင်ရောက် ယှဉ်ပြိုင်ခဲ့သည်ဟု ဆိုသည်။ မြို့တော် ဒါကာနှင့်တကွ တနိုင်ငံလုံးတွင် ဆန္ဒမဲပေးသူ ထောင်ပေါင်းများစွာသည် ယင်းတို့၏ မဲပေးခွင့်ကို ကျင့်သုံးဆောင်ရွက်ရန် မဲရုံများသို့ သွားရောက်ခဲ့ကြသည်။ ဆန္ဒမဲပေးပွဲမှာ ငြိမ်းငြိမ်းချမ်းချမ်းပင် ပြီးဆုံးသွားခဲ့သည်။ ရွေးကောက်ပွဲ ကျင်းပခြင်းကို လာရောက်လေ့လာ အကဲခတ်ခဲ့ကြသည့် ဒေသခံနှင့် နိုင်ငံခြားသား အကဲခတ်များ၏ ကနဦး အကဲဖြတ် သုံးသပ်ချက်များအရ ဤပါလီမန် ရွေးကောက်ပွဲသည် “အငြိမ်းချမ်းဆုံး” နှင့် တရားအမျှတဆုံး ရွေးကောက်ပွဲ ဖြစ်သည်။ ထို့ကြောင့် အတိုက်အခံတို့ အနေဖြင့် ပြည်သူလူထု၏ ဆုံးဖြတ်ချက်ကို လက်ခံပါရန် တိုက်တွန်း တောင်းဆိုထားသည်။ ဆန္ဒမဲပေးပိုင်ခွင့်ရှိသူ စုစုပေါင်း ၈၁ ဝ၅ ၈၆၉၈ အနက် မဲရုံများသို့ လာရောက်မဲပေးသူ ရာခိုင်နှုံးမှာ ပျှမ်းမျှခြင်းအားဖြင့် ၈ဝ ရာခိုင်နှုံး ဝန်းကျင်ရှိကြောင်းနှင့် ယင်းသည် လွန်ခဲ့သော ရွေးကောက်ပွဲက ရှိခဲ့သည့် ၇၅ ရာခိုင်နှုံးနီးပါးထက် ကျော်လွန်ကြောင်း ရွေးကောက်ပွဲကော်မရှင် (EC) အရာရှိများက အတည်ပြု ပြောကြားခဲ့သည်။