အစိုးရသစ် ဖွဲ့စည်းမည့် အစီအစဉ်အပေါ် သူတို့အမြင်

မဇ္ဈိမသတင်းဌာန

တနင်္လာနေ့၊ ဇန်နဝါရီလ 12 2009 14:06 - မြန်မာစံတော်ချိန်

ပြည်ပအခြေစိုက် အစိုးရသစ်တရပ်ကို ယခုနှစ် နှစ်လယ်ပိုင်းတွင် ဖွဲ့စည်းမည်ဆိုသော ပြည်ထောင်စု မြန်မာနိုင်ငံ အမျိုးသားကောင်စီ - NCUB ၏ အယူအဆနှင့် ပြည်ပ အဖွဲ့အစည်းများအကြား လက်ရှိ ညှိနှိုင်းဆောင်ရွက်မှုများ အပေါ် NCUB ၊ ပြည်ထောင်စု မြန်မာနိုင်ငံ အမျိုးသားညွန့်ပေါင်းအစိုးရ - NCGUB နှင့် လေ့လာအကဲခတ်သူတို့ထံ မဇ္ဈိမသတင်းထောက် ဇာနည်က နောက်ဆက်တွဲ ဆက်သွယ် မေးမြန်းထားချက်ကို တင်ပြလိုက်ပါသည်။ ကိုဘိုကြည် (တွဲဘက် အထွေထွေ အတွင်းရေးမှူး) နိုင်ငံရေး အကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) - AAPP မေး။ NCUB က အစိုးရသစ်တရပ် ဖွဲ့စည်းဖို့ စီစဉ်နေတဲ့အပေါ် ဘယ်လို သဘောထားရှိလဲဆိုတာ သိပါရစေ။ ဖြေ။ ဒီလိုမျိုး သူတို့ အစိုးရဖွဲ့မယ်ဆိုတာ လွန်ခဲ့တဲ့ ၂ နှစ်၊ ၃ နှစ်လောက်ကတည်းက သူတို့ စကြိုးပမ်းနေကြတယ်။ အဲဒီမှာ လွန်ခဲ့တဲ့ ၂ နှစ်ကျော်လောက်တုန်းကတော့ ကျနော့်ကိုခေါ်ပြီး ဆွေးနွေးခဲ့ဖူးတာ ရှိတယ်။ ကျနော်ကတော့ မဖြစ်သင့်ဘူးပေါ့လေ။ မလုပ်သင့်ဘူး၊ မလုပ်ပါနဲ့ ဆိုတာမျိုးတော့ ကျနော်တို့ အကြံပေးတယ်။ အစိုးရအဖွဲ့ ဖွဲ့တယ်ဆိုတာက စာရွက်ပေါ်တင် ဖွဲ့လို့ရတဲ့ ကိစ္စမဟုတ်ဘူး။ ကျနော်တို့တွေမှာ တကယ့်လွတ်မြောက်နယ်မြေ အကျယ်ကြီး ရှိဖို့လိုတယ်။ နောက် တိုင်းရင်းသားပေါင်းစုံ တပ်ကြီးက တကယ့် စုစည်းညီညွှတ်တဲ့ တပ်ကြီး ဖြစ်နေဖို့ လိုတယ်။ အဲလို အခြေအနေတွေ ပေါင်းစုံပြီးတဲ့ အခါကျတော့မှ အစိုးရပဲဖြစ်ဖြစ်၊ နိုင်ငံပဲဖြစ်ဖြစ် ကျနော်တို့ ကြေညာလို့ရတယ်။ ဆိုတော့ ကျနော်တို့ဆီမှာက တကယ်တမ်းကျတော့ လွတ်မြောက်နယ်မြေ ဆိုတာကလည်း အကျယ်ကြီးရှိတာ မဟုတ်ဘူး။ နောက်ပြီးတော့ လက်နက်ကိုင်အင်အားစုရဲ့ တပ်တွေဆိုတာကလည်း သိပ်အားအကောင်းကြီး ရှိနေတာမျိုးလည်း မဟုတ်ဘူး ဆိုတော့လေ။ အဲဒီတော့ ဒီလိုအခြေအနေမျိုးမှာ ဖွဲ့မယ်ဆိုလို့ရှိရင် ကျနော်တို့က စာရွက်ပေါ်မှာပဲ ဖွဲ့တယ်ဆိုတဲ့ ပုံစံမျိုးတွေ ဖြစ်သွားရင် မကောင်းဘူး။ ဘယ်သူ့အတွက်မှလည်း အကျိုးရှိမှာ မဟုတ်ဘူး။ ဆိုတော့ အဲလိုမျိုးက ကျနော်တို့ကို လွန်ခဲ့တဲ့ ၃ နှစ်လောက်က ခေါ်ဆွေးနွေးတဲ့ အခြေအနေတုန်းကတော့ ကျနော်တို့ အကြံပေးဖူးတယ်။ ကျနော်တို့ အမြင်ကတော့ မလုပ်သင့်သေးဘူး။ မဖြစ်သင့်ဘူးပေါ့။ မေး။ အခုလို အခြေအနေတွေဖြစ်နေတော့ စစ်အစိုးရဘက်က တန်ပြန်မှုက ဘယ်လိုမျိုး ရှိမယ်လို့ ထင်ပါလဲ။ ဖြေ။ ဒီပြင်ပမှာ လုပ်နေတဲ့ အဖွဲ့အစည်းတွေပေါ်မှာတော့ စစ်အစိုးရက သူတို့ရဲ့ နိုင်ငံရေးအရ တုံ့ပြန်တာတွေ စစ်ရေးအရ တုံ့ပြန်တာတွေ ရှိမှာပေါ့လေ။ ဒါကတော့ ဒီလိုပဲ လုပ်နေကြဆိုတော့ ထူးထူးခြားခြားတော့ မဟုတ်ပါဘူး။ မေး။ ဒီလို ဖွဲ့တာဟာ ၂၀၁၀ ကို ရည်မှန်းတာလို့ ဆိုထားတော့ ဒါက ဘယ်လိုမျိုး အခြေအနေတွေ ဖြစ်လာမှာလို့ ထင်ပါလဲ။ ဖြေ။ ၂၀၁၀ အဆုံးအဖြတ်က အဓိကကတော့ ပြည်တွင်းက ပိုအဓိက ကျတာပေါ့။ ပြည်ပကတော့ အဓိက ကျတဲ့နေရာမှာ မဟုတ်ဘူး။ ပြည်ပဆိုတာက ကျနော်တို့က ပြည်တွင်းကို ထောက်ခံပေးတဲ့နေရာ၊ အားပေးတဲ့နေရာ၊ အဓိက ပံ့ပိုးပေးတဲ့ အင်အားစုတခုအနေနဲ့ပဲ ပြည်ပက နေတာပါ။ ဆိုတော့ ပြည်တွင်း NLD တို့၊ ပြည်တွင်းက အင်အားစုတွေရယ်၊ သူတို့ရဲ့ ပေါ်လစီတွေ၊ သူတို့ရဲ့ သဘောထားတွေကို ကျနော်တို့က ရောင်ပြန်ဟပ်တဲ့ဟာမျိုးတွေ ကျနော်တို့က လုပ်သွားနိုင်ဖို့လိုတယ်။ ဥပမာ အမျိုးသား ဒီမိုကရေစီ အဖွဲ့ချုပ်ကဆိုလည်း လွန်ခဲ့တဲ့ ၃ နှစ်လောက်ကပဲ စင်ပြိုင်အစိုးရနဲ့ ပတ်သက်ပြီးတော့ သူတို့ မထောက်ခံဘူး။ သူတို့ဆီမှာ မူမရှိဘူးဆိုပြီးတော့ သူတို့ ပြောထားတာမျိုးတွေ ရှိတယ်။ အခု သူတို့ သွားနေတဲ့ အဓိက လမ်းကြောင်းက ဒိုင်ယာလော့ဂ်တို့၊ နိုင်ငံရေးအကျဉ်းသား လွတ်မြောက်ရေးတို့ ဒါမျိုးတွေကို ဇောင်းပေးပြီး သွားနေတာဖြစ်ပါတယ်။ ကျနော်တို့က ပြည်တွင်းအင်အားစုတွေရဲ့ ပေါ်လစီတွေကို အဓိက ထားပြီးတော့ လုပ်ဆောင်သွားမှာပေါ့။ ကျနော်တို့ AAPP အနေနဲ့ကတော့ နိုင်ငံရေးအကျဉ်းသား လွတ်မြောက်ရေးကိုပဲ ဇောင်းပေးပြီးတော့ လုပ်သွားမှာပါ။ ဘာဖြစ်လို့လဲဆိုတော့ မြန်မာနိုင်ငံရဲ့ နိုင်ငံရေး အပြောင်းအလဲရဲ့ ပထမဆင့် ခြေလှမ်းက နိုင်ငံရေး အကျဉ်းသား အကုန်လုံး လွတ်မြောက်ရေးဖြစ်နေလို့ပါပဲ။ မေး။ ဒါဆိုရင် AAPP အနေနဲ့က အသစ်ဖွဲ့မယ့် အစိုးရကို မထောက်ခံဘူးလို့ ဆိုလိုချင်တာပါလား။ ဖြေ။ AAPP အနေနဲ့ ကိုယ်စားပြုပြီးတော့ ကျနော် မပြောနိုင်သေးဘူး။ ဒါပေမဲ့ အခုချိန်အထိတော့ ကျနော်တို့ AAPP ကို လာပြီးတော့ ဆွေးနွေးတာမရှိပါဘူး။ နောက် သူတို့တွေ အထဲထဲမှာတောင်မှ အကုန်လုံးသိတဲ့ ကိစ္စတွေ မဟုတ်ဘူးဆိုတာ ဖြစ်နေတော့။ လူတစုက ကြေညာတဲ့ပုံစံမျိုး ဖြစ်နေတယ်။ အဲလို လူတစုက ဖွဲ့ရုံနဲ့တော့ ခိုင်မာကျယ်ပြန့်တဲ့ အစိုးရတရပ်တော့ မဖြစ်နိုင်ဘူး။ သူတို့အချင်းချင်းကြားက ညီညွတ်ရေးကို သူတို့ အမြန်ဆုံးပြန်တည်ဆောက်ဖို့လိုမယ်။ ကျနော်တို့က NCUB ရဲ့ အဖွဲ့ဝင်လည်း မဟုတ်ဘူးပေါ့။ မဟုတ်တဲ့အတွက် ဒါနဲ့ ပတ်သက်ပြီးတော့ ကျနော်တို့နဲ့ မဆိုင်ဘူးဆိုပေမယ့် ဘာပဲပြောပြော ညီညီညွတ်ညွတ်ဖြစ်တာပဲ လိုချင်တယ်။ အဓိက ဇောင်းပေးသင့်တာကတော့ ၂၀၁၀ မတိုင်ခင် ဒီ ၂၀၀၉ ဟာ အရမ်းကို အရေးကြီးတယ်။ ဆိုတော့ ပြည်တွင်းမှာရှိတဲ့ အင်အားစုတွေက ဘယ်လိုမျိုးဖြစ်ချင်လဲ၊ ဘာလုပ်ချင်တာလဲဆိုတာကို ကျနော်တို့ ပြည်ပမှာ ရှိတဲ့သူတွေက ဟန်ချက်ညီညီလုပ်ဖို့ ဆိုတာမျိုးတွေ စဉ်းစားပြီးတော့ ကျနော်တို့ လုပ်ဖို့လိုပါတယ်။ ကျနော်တို့ လုပ်နေတဲ့ လှုပ်ရှားမှု မှန်သမျှက ပြည်တွင်းကို အထောက်အပံ့ဖြစ်အောင် ဘာတွေ လုပ်မလဲလို့ဆိုတာကို စဉ်းစားသင့်တယ်။ ဒေါက်တာနိုင်အောင် (အတွင်းရေးမှူးချုပ်) မြန်မာနိုင်ငံ ဒီမိုကရက်တစ် အင်အားစု (FDB) မေး။ NCGUB က ရှိနေပြီးသားမှာ NCUB က စင်ပြိုင်အစိုးရသစ်တခု ဖွဲ့စည်းဖို့ စီစဉ်မယ်ဆိုပြီး ထုတ်ပြန်လာတာတွေအပေါ် ဘယ်လိုရှုမြင်လဲဆိုတာ သိပါရစေ။ ဖြေ။ ဒါပြောရမှာက ပထမတခုက ဘာလဲဆိုတော့ သူတို့ပြောနေတဲ့ဥစ္စာအပေါ်မှာ ကျနော်တို့ တိုက်ရိုက်ကြားရတာ မဟုတ်ဘူး။ ထုတ်ပြန်ကြေညာချက်တွေပေါ်မှာပဲ ကြည့်ရတာဆိုတော့ သေသေချာချာ ရှင်းပြတာ မသိရသေးဘူးပေါ့။ မသိရသေးတာရယ်၊ နောက် သူတို့ ခေါင်းဆောင်တွေ ပြောနေတာက တခုနဲ့တခု မတူဘူးလို့တော့ ဖြစ်တော့ဖြစ်တယ်ထင်တယ်။ ဆိုတော့ တချို့နေရာတွေမှာလည်း နောက်ထပ်အစိုးရသစ် တခုလို့ ပြောသလို တချို့နေရာတွေမှာလည်း နောက်ထပ်တခု မဟုတ်ပါဘူးလို့ ပြောတာတွေလည်း ရှိနေတော့ ကျနော်တို့ အတိအကျ မကြားရသေးဘူးလို့ ပြောရမှာပေါ့နော်။ ဒုတိယတခုက ဘာလဲဆိုတော့ ညီညွှတ်ရေးကို လုပ်နေရင်းနဲ့ မညီမညွှတ် ဖြစ်ကြရသလိုတော့ ဖြစ်နေတာ အမှန်ပဲ။ ဆိုတော့ အဲလို အနေအထားမျိုးမှာလည်း၊ ဒီလိုအခြေအနေမျိုးမှာ အဲလိုဖြစ်နေရတာကတော့ စိတ်မကောင်းဘူးပေါ့ဗျာ။ အဓိကကလည်း ကျနော်ထင်တာက ဘာလဲဆိုတော့ ပြင်ဆင်မှု အားနည်းတယ်လို့ ထင်ပါတယ်။ ပြင်ဆင်မှု အားနည်းတယ်ဆိုတာက ဒီလိုကိစ္စမျိုး၊ တနိုင်ငံလုံးနဲ့ဆိုင်တဲ့ ကိစ္စမျိုးမှာ NCUB ခေါင်းဆောင်တွေအနေနဲ့က ကျန်တဲ့ NCUB အဖွဲ့ဝင်တွေ အဖွဲ့အစည်းတွေက ခေါင်းဆောင်တွေနဲ့ရော၊ ကျန်တဲ့ NCUB အဖွဲ့ဝင်မဟုတ်တဲ့ အဖွဲ့အစည်းတွေက ခေါင်းဆောင်တွေနဲ့ ဆွေးနွေးတိုင်ပင်သင့်တယ်လို့ ထင်တယ်။ ဆွေးနွေးတိုင်ပင်တယ်ဆိုတာက အဓိကက ဘာလုပ်ကြမှာလဲဆိုတဲ့ မူတွေ၊ ဘာတွေ ဒီလိုလုပ်ဖို့လိုတယ်ဆိုတဲ့ မူတွေအပေါ်မှာ အရင်ဆုံး ဆွေးနွေးတိုင်ပင်ပြီးတော့မှ ''ကဲ ဒါကတော့ဖြင့် ဒီလိုလုပ်ကြဖို့ သဘောတူတယ်'' ဆိုလို့ရှိရင် ဘယ်လိုပုံစံမျိုးနဲ့ ဖွဲ့စည်းကြမလဲဆိုတာကို ဒုတိယ ဆွေးနွေးစဉ်းစားကြရမယ်လို့ ထင်တယ်။ ဆိုတော့ အဲလို ကိစ္စမျိုးတွေကလည်း မှန်မှန်ပြောမယ်ဆိုလို့ရှိရင်တော့ NCUB ပါနေတဲ့ ၇ ဖွဲ့ပေါ့နော်။ သူလုပ်ကိုင်နေတဲ့ ကိစ္စတွေလည်း ရှိပါတယ်။ ဒါပေမဲ့ အဲလို အစည်းအဝေးပွဲတွေမှာတော့ အခုပြောနေတဲ့ အစိုးရ ဖွဲ့စည်းရေးဆိုတဲ့ ကိစ္စရပ်မျိုးကို တခါမှတော့ ချပြဆွေးနွေးတာတော့ မရှိဘူးပေါ့။ ဆိုတော့ အဲဒီလိုမျိုး ကျနော်တို့က လုပ်ငန်းစဉ်တွေကို ဘာတွေ အတူလုပ်ရင်ကောင်းမလဲ၊ အတူလုပ်လို့ ကောင်းတယ်ဆိုရင် ဒီလို အတူတူလုပ်ဖို့အတွက်ကို ဖွဲ့စည်းပုံက ဘယ်လိုမျိုး အတူတူဖွဲ့ကြရင် ကောင်းမယ်ဆိုတဲ့ကိစ္စမျိုး။ အဲလိုမျိုး စဉ်းစားတိုင်ပင်ပြီးတော့မှ လက်တွေ့ဖော်ဆောင်တဲ့ကိစ္စကို လုပ်သင့်တယ်လို့ထင်တယ်။ ကျနော်တို့ အဲလို ပြင်ဆင်မှုတွေ မလုပ်တဲ့ အခါကျတော့ ဒီအမြင်တွေကို တယောက်တမျိုး ပြောရတဲ့ အခါကျတော့ သဘောထားတွေ မညီမျှသလိုဖြစ်တာလေ။ ဒါ မှန်မှန်ပြောမယ်ဆိုရင်တော့ ကျနော်တို့ လှုပ်ရှားမှုအတွက်တော့ မကောင်းတဲ့ သက်ရောက်မှုဖြစ်တယ်လို့တော့ ကျနော်က ဒီလိုမျိုးပဲ ပြောချင်ပါတယ်။ နောက်တချက်က ဘာလဲဆိုတော့ ဒီလိုမျိုး လုပ်တယ်ဆိုလို့ရှိရင်လည်း ကျနော်တို့က အားလုံးပါအောင် တတ်နိုင်သမျှ သူတို့လည်း ပြောထားတဲ့ အတိုင်းပေါ့လေ ခိုင်မာကျယ်ပြန့်အောင် လုပ်တယ်ဆိုတဲ့နေရာမှာ ကိုယ့်ဘက်ကနေပြီးတော့ ကျယ်ကျယ်ပြန့်ပြန့်ထားနိုင်တဲ့ အမြင်မျိုး ထားနိုင်မှသာလျှင် တကယ်ခိုင်မာတဲ့ဟာ ရမှာပါ။ အဲဒါမှ မဟုတ်ဘူးဆိုလို့ရှိရင်တော့ ကိုယ်နဲ့ သဘောတူတဲ့ လူတစုနဲ့ပဲ လုပ်ကြမယ်ဆိုလို့ ရှိရင်တော့ မြင့်မားတဲ့ ရည်ရွယ်ချက်ကို မရောက်ဘဲနဲ့ အစုအဖွဲ့လေးပဲ ဖြစ်လာတာကလွဲလို့ ဘာမှ ထူးခြားတဲ့ဟာမျိုး မဖြစ်ဘဲနဲ့ နေမှာစိုးရပါတယ်။ ဆိုတော့ ဒါက နည်းနည်း စိတ်ပူစရာကောင်းတဲ့ တခုပေါ့။ တတိယတခုက ကျနော်မြင်တာကတော့ အခုအချိန်မျိုးမှာ ကျနော်တို့က အလုပ်တွေကို ဘယ်လိုပူးတွဲပြီးတော့ ဆောင်ရွက်သွားမလဲဆိုတဲ့ ပုံစံမျိုးကို ပိုစဉ်းစားတာက ပိုပြီးတော့ လက်တွေ့ကျမယ်။ ဒီအချိန်မှာ ကျနော်တို့က ဖွဲ့စည်းမှုပုံသဏ္ဍာန်တွေကို ဟိုလူကောင်းတယ်၊ ဒီလူကောင်းတယ်နဲ့ ဆွေးနွေးနေပြီးတော့မှ အငြင်းပွားနေရမယ့် အချိန်မဟုတ်ဘူးလို့ ထင်တယ်။ ဖွဲ့စည်းပုံဆိုတာက အဆောက်အဦကိစ္စပေါ့နော်။ ဆိုတော့ အဆောက်အဦကိစ္စက အဓိက ကျတဲ့နေရာမှာ မရှိဘူးလို့ ထင်တယ်။ ဆိုတော့ အလုပ်တွေ ပေါ်လာတယ်ဆိုလို့ရှိရင် အလုပ်တွေ အပေါ်မှာ လေ့လာတယ်ဆိုလို့ရှိရင် အဆောက်အဦကိစ္စကတော့ အကာအရံကိစ္စပဲပေါ့နော့်။ ကျနော်တို့ ဘယ်လို တ၀င်းထဲမှာ အတူထိုင်ကြမလဲဆိုတဲ့ကိစ္စ ပြောကြတာဖြစ်တာကိုး။ နောက်တခုက အစိုးရဆိုတဲ့ကိစ္စ ပြောတဲ့အခါကျတော့ အခုရှိနေတဲ့ NCGUB ပေါ့။ အမျိုးသား ညွန့်ပေါင်းအစိုးရဆိုတာကို အခြေခံပြီး ပြောကြတာတွေလည်း ရှိတယ်။ ကျနော်တို့က လက်တွေ့အစိုးရဆိုတဲ့ ကိစ္စကို စဉ်းစားတဲ့အခါမှာ ကျနော်တို့က တရားဝင်ဖြစ်မှုပေါ့ Legitimacy ကို ကျနော်တို့က နအဖနဲ့ အပြိုင်လုပ်ချင်လို့ Legitimacy ကို ကျနော်တို့ လုပ်တာလား။ ဒါမှ မဟုတ်လို့ရှိရင် ကျနော်တို့ကနေပြီးမှ movement တခုလုပ်မှ ထောက်ခံမှုကို ရနိုင်မယ်။ Movement တခုလုံးကို ဦးဆောင်နိုင်တဲ့ ခေါင်းဆောင်မှု တရပ်ကို ဖော်ချင်တာလားပေါ့။ ဆိုတော့ ဒီခေါင်းဆောင်မှုတရပ်ကို ဖော်ချင်တယ်ဆိုတဲ့ကိစ္စက ကျနော်မြင်တာကတော့ အစိုးရဖွဲ့စရာ မလိုဘူးလို့ ထင်တာပဲ။ ဆိုတော့ Legitimacy ကိစ္စကို ပြောမယ်ဆိုရင်လည်း ၉၀ ရွေးကောက်ပွဲနဲ့ ပတ်သက်ပြီးတော့ လုပ်ဆောင်နေတဲ့ NCGUB ဆိုတဲ့ ကိုယ်စားပြုဖို့၊ နောက်ပြီးတော့ အထဲထဲမှာ NLD, CRPP ဆိုတဲ့ ကိုယ်စားပြုမှုတွေ ရှိနေတာပဲလေ။ ဆိုတော့ ကျနော်တို့က ရှိနေပြီးသား Legitimacy ကို အခြေခံပြီးတော့မှ နအဖရဲ့ တရားမ၀င်မှုကို တုံ့ပြန်နေတဲ့ အင်အားစုတွေ ရှိနေပါလျက်နဲ့ ဘာဖြစ်လို့ ထပ်ပြီးတော့ ဒီလိုလုပ်ဖို့ လိုမလဲဆိုတဲ့ မေးခွန်းတခုက ကျနော်တို့က သေချာစဉ်းစား၊ ဆုံးဖြတ်ပြီးတော့မှ လုပ်သင့်တယ်လို့ ထင်ပါတယ်။ ဒါက Legitimacy ပိုင်းကို လိုက်မယ်ဆိုရင်ပေါ့။ ဒါပေမဲ့ ဦးဆောင်မှုအပိုင်းကို တနေရာထဲမှာ စုထားဖို့ လိုတဲ့ဆိုတဲ့ စဉ်းစားချက်က ကောင်းတဲ့ စဉ်းစားချက်ပါ။ ကြိုလည်း ကြိုဆိုရမယ့် အချက်ပါ။ ဒါပေမဲ့ အဲလိုလုပ်မယ်ဆိုရင် အစောက ပြောသလိုပဲ တိုင်ပင်မှုတွေ ပြင်ဆင်မှုတွေ လုပ်သင့်တယ်။ နောက်ပြီးတော့ အရေးကြီးတာက လုပ်ငန်းပေါ် အခြေခံပြီးတော့မှ နောက် မူပေါ်မှာ အခြေခံတဲ့ စုစည်းမှုမျိုးကို လုပ်သင့်ပါတယ်။ ပြောချင်တာက ဘာလဲဆိုတော့ မူအရ သဘောမတူတဲ့ အုပ်စုတွေကို တနေရာထဲမှာ အတူတူ ထိုင်ခိုင်းထားလည်း အလုပ်ဖြစ်ချင်မှ ဖြစ်မှာကိုး။ ဟုတ်တယ်မလား။ အဲဒီတော့ မူအရ အပေါ်မှာ အခြေခံပြီးတော့ စုဖွဲ့မှုမျိုးကို လုပ်သင့်တယ်လို့ ထင်ပါတယ်။ အဲလို စုစည်းတဲ့ ခေါင်းဆောင်မှုဖြစ်ဖို့အတွက်က အစိုးရပုံစံအနေနဲ့ လုပ်သင့်တယ်လို့တော့ ကျနော်တို့က မမြင်ဘူး။ ဒါပေမဲ့ ဒီလိုမျိုး ဖြစ်သင့်တယ်ဆိုတဲ့ အမြင်မျိုးကိုလည်း သူတို့ဘက်က ကျနော်တို့ကို ချပြရှင်းလင်းထားတာ မရှိသေးတော့လည်း ကျနော်တို့တော့ အကြောင်းစုံတော့ မသိရသေးဘူး။ မေး။ အခုလိုတွေ ဖြစ်နေတော့ မြန်မာ့ဒီမိုကရေစီရေးကို ထောက်ခံအားပေးတဲ့ နိုင်ငံတကာ အသိုင်းအ၀ိုင်းက ထောက်ခံ အားပေးမှုတွေက ဘယ်လိုဖြစ်လာနိုင်တယ်လို့ မြင်ပါလဲ။ ဖြေ။ ပြောရရင်တော့ လူတွေက စိတ်ပျက်ကြမှာပေါ့။ နဂိုတည်းကမှ မြန်မာပြည်ရဲ့ ပြောင်းလဲမှုတွေ ကြာနေလွန်းလို့ ဖြစ်စေချင်နေကြတဲ့ အသိုင်းအ၀ိုင်းတွေ အများကြီးပါ။ ဒါပေမဲ့ အဲလိုကြားထဲမှာ မဖြစ်လာနေလို့ အားမလိုအားမရ ဖြစ်ရတာကတပိုင်း၊ တပြိုင်နက်ထဲမှာပဲ ဒီဦးဆောင်ပါမယ်ဆိုတဲ့ အဖွဲ့အစည်းတွေ ကြားထဲမှာလည်း တယောက်တမျိုးတွေ ပြောဆိုလုပ်ကိုင်နေကြတဲ့ အခါကျတော့ ပိုပြီးတော့ စိတ်ပျက်စရာ အခြေအနေတွေ ဖြစ်တာပေါ့။ ဒါကတော့ အဲလိုပဲ ဖြစ်မှာပဲလေ။ ဆိုတော့ ဒါက ကျနော်တို့အတွက် စိတ်မကောင်းစရာ ကိစ္စရပ်တခုပေါ့။ မေး။ အခုလို ဖြစ်နေတာတွေက ၂၀၁၀ ရွေးကောက်ပွဲအတွက် လှုပ်ရှားနေတာတွေအတွက်ကရော ဘယ်လိုမျိုးတွေ ဖြစ်လာနိုင်လဲရှင့်။ ဖြေ။ ။ ၂၀၁၀ အတွက်ကို အဓိကကတော့ ဘာလဲဆိုတော့ ကျနော်တို့က ဒီ Road Map နဲ့ နအဖရဲ့ ဖွဲ့စည်းပုံ အခြေခံ ဥပဒေကို ဆန့်ကျင်သွားမယ်ဆိုတဲ့ မူကတော့ အသင်းတွေ အားလုံးကြားမှာ ညီပြီးသားပါ။ ဆိုတော့ ဒါကို ဆက်ပြီးတော့ ဆန့်ကျင်လှုပ်ရှားသွားရမှာပဲ။ ဆိုတော့ အဓိကက ဘာလဲဆိုရင် ၂၀၁၀ နောက်ပိုင်း ဖြစ်သွားလို့ ရှိရင်လည်း ဒီစစ်အာဏာရှင်စနစ်ကို ကိုယ်စားပြုတဲ့ ကျနော်တို့ ပြောနေကျ တမတ်သား စစ်ဗိုလ်တွေပါတဲ့ အစိုးရပဲ ဖြစ်ပြီးတော့ တကယ့် ဗမာပြည်ရဲ့ ပြဿနာတွေကို ဖြေရှင်းပေးနိုင်မှာ မဟုတ်ဘူး။ ဆိုတော့ ဖြေရှင်းပေးနိုင်မှု မရှိလေလေ၊ ခုနပြောတဲ့ ဖိနှိပ်ခံရတဲ့ အခြေအနေတွေကနေ အုံကြွမှုတွေက ပေါ်လာတာဆိုတာမျိုးက ရှိနေမှာပဲ။ ဆိုတော့ ၂၀၁၀ ပတ်ဝန်းကျင် မတိုင်ခင်မှာလည်း ပြည်သူလူထု ရဲ့ ဆန္ဒထုတ်ဖော်မှုတွေ ပေါ်လာနိုင်သလို ၂၀၁၀ ကာလမှာလည်း ပြညသူလူထုရဲ့ ဆန္ဒတွေ ပေါ်လာနိုင်သလို ဘာမှ မဖြစ်လာသေးဘူးဆိုရင် ၂၀၁၀ ကျော်ပြီးတဲ့နောက်မှာ ဖိနှိပ်မှုကနေ ပေါ်ထွက်လာတဲ့ အုံကြွမှုဆိုတာတော့ ရှိတော့ ရှိနေမှာပဲ။ အရေးတကြီး စဉ်းစားနေကြရတဲ့ အလုပ်တခုက ဘာလဲဆိုတော့ အဲလိုဖြစ်လာမယ့် လူထုလှုပ်ရှားမှုကို ဘယ်လို နိုင်ငံရေး ဦးဆောင်မှုကနေ ဘယ်လိုနိုင်ငံရေး လုပ်ငန်းစဉ်တွေနဲ့ လုပ်သွားပေးမလဲဆိုတဲ့ ကိစ္စကို ကျနော်တို့အားလုံးက ဆုံးဖြတ်ပြီးတော့မှ အဲဒီ ညီညွတ်တဲ့ ဦးဆောင်မှုကို လုပ်သွားဖို့ပါပဲ။ အဲဒါကို ရှိနေဖို့ကလဲ NCUB က ပြောတဲ့ စုစည်းညီညွှတ်မှုရှိတဲ့ ဦးဆောင်မှု ဆိုတာကိုလည်း ကျနော်တို့ ဆွေးနွေးဖြစ်ခဲ့ကြပါတယ်။ ဒါက ကျနော်တို့ တိုင်ပင်နေကြတဲ့ ကိစ္စပါပဲ။ ဆိုတော့ ၂၀၁၀ ရွေးကောက်ပွဲပေါ်မှာ မူတည်ပြီးတော့ ကျနော်တို့ကတော့ ၂၀၁၀ ပြီးလို့ရှိရင် ၉၀ ရွေးကောက်ပွဲရလဒ်ကြီး မရှိတော့မှာမို့လို့ ဒါကြောင့်မို့လို့ ကျနော်တို့က အစိုးရဖွဲ့ပြီးတော့မှ Legitimacy ထားသင့်တယ်ဆိုတဲ့ ဥစ္စာထက်၊ ကျနော်တို့ ၉၀ ရွေးကောက်ပွဲရလဒ်ကို အသိမှတ် မပြုသေးသရွေ့ ၂၀၁၀ ရွေးကောက်ပွဲကြီးကိုလည်း အသိအမှတ်မပြုဘူးဆိုတဲ့ Legitimacy ကို နိုင်ငံရေးနဲ့ ကိုင်ထားတာ အနှစ်သာရ ရတယ်လို့ ကျနော် ပိုမြင်ပါတယ်။ နောက်တခုက ကျနော်တို့ ဒီလူထုတွေရဲ့ ခံစားနေရတဲ့ ဒုက္ခကို ပြောင်းလဲပေးနိုင်တဲ့ လှုပ်ရှားမှုနဲ့ နိုင်ငံရေး လမ်းစဉ်ပေါ့၊ ကျနော်တို့ဘက်က လမ်းပြမြေပုံပေါ့၊ အဲဒါတွေကို ကျနော်တို့က အဓိက ဖော်ဆောင်ပြီးတော့မှ ပြည်သူတွေကို ကောင်းမွန်တဲ့ သက်ရောက်မှု ရှိနိုင်တဲ့၊ ထပ်တူလည်း ဖြစ်နိုင်တဲ့ မျှော်လင့်ချက်နဲ့ အနာဂတ်တွေ ဖန်တီးပေးမယ်။ ကျနော်တို့ ဒီတိုက်ပွဲကို ဆက်ဝင်နေဖို့ လိုတယ်လို့ ထင်ပါတယ်။ အင်တာဗျူး မဇ္ဈိမသတင်းဌာန ဗုဒ္ဓဟူးနေ့၊ ဇန်နဝါရီလ 07 2009 20:17 - မြန်မာစံတော်ချိန် ၂၀၀၉ ခုနှစ် နှစ်လယ်ပိုင်းတွင် ပြည်ပအခြေစိုက် အစိုးရသစ်တရပ် ဖွဲ့စည်းမည်ဆိုသော ပြည်ထောင်စု မြန်မာနိုင်ငံ အမျိုးသားကောင်စီ - NCUB ၏ အယူအဆနှင့် ပြည်ပ အဖွဲ့အစည်းများအကြား လက်ရှိ ညှိနှိုင်းဆောင်ရွက်မှုများ အပေါ် NCUB ၊ ပြည်ထောင်စု မြန်မာနိုင်ငံ အမျိုးသားညွန့်ပေါင်းအစိုးရ - NCGUB နှင့် လေ့လာအကဲခတ်သူတို့ထံ မဇ္ဈိမသတင်းထောက် ဇာနည်နှင့် ဆော်လမွန်က ဆက်သွယ်မေးမြန်းထားချက်များနှင့် သတင်းပေးပို့ချက်ကို တင်ပြလိုက်ပါသည်။ ဦးဒေးဗစ် တာကပေါ (အတွင်းရေးမှူး အဖွဲ့ဝင်) ပြည်ထောင်စု မြန်မာနိုင်ငံ အမျိုးသား ကောင်စီ (NCUB) (ဒု-ဥက္ကဋ္ဌ) ကရင်အမျိုးသား အစည်းအရုံး (KNU) နအဖက ၂၀၁၀ လုပ်မယ့်အစား ကျနော်တို့က ဖြစ်စေချင်တာက လူထုလှုပ်ရှားမှု၊ နောက်ပြီးတော့ နိုင်ငံရေး၊ သံတမန်ရေး၊ နောက် တိုက်ပွဲတွေအရ နအဖကို ပြုပြင်ပြောင်းလဲဖို့ပဲ။ နအဖက ၂၀၁၀ ရွေးကောက်ပွဲ လုပ်မယ့်အစား NLD က ပြောသလို ဖွဲ့စည်းပုံကို ပြန်ပြီးတော့ review လုပ်ဖို့ သို့မဟုတ်လည်း အသစ်ဆွဲဖို့။ အသစ်ဆွဲဖို့ဆိုရင်လည်း ၃ ပွင့်ဆိုင်ဆိုတာ စရမယ်။ မေလ ဆန္ဒခံယူပွဲနဲ့ အတည်ပြုထားတဲ့ ဖွဲ့စည်းပုံဥပဒေက နအဖ အလိုကျ ရေးဆွဲထားပြီးတော့ အတင်းအဓမ္မနဲ့ အတည်ပြုထားတာ ဖြစ်တဲ့အတွက် နိုင်ငံတကာကလည်း လက်မခံဘူး။ ပြည်သူလူထုကလည်း လက်မခံဘူး။ အဲဒါကို နအဖက ရှေ့ဆက်ပြီးတော့ ရွေးကောက်ပွဲ လုပ်မယ်ဆိုရင် တိုင်းပြည်က ပိုပြီးတော့ အခြေအနေဆိုးလာမယ်။ အခြေအနေအရ ကျနော်တို့ လျော့လျော့ရဲရဲနဲ့ပဲ သွားလို့ရမလား ဒါမှမဟုတ် ပိုပြီးတော့ ကျစ်ကျစ်လစ်လစ်နဲ့ သွားကြမလား၊ အဲဒီပေါ်မှာ အခြေခံတယ်လေ။ လျော့လျော့ရဲရဲနဲ့ သွားရင်လည်း အရင်အတိုင်းပဲ ဖြစ်မှာပေါ့။ ကျစ်ကျစ်လစ်လစ်၊ ဒီမိုကရေစီကျကျ ဘောင်အတွင်းမှာ ပိုပြီးတော့ကျစ်လစ်တဲ့၊ ပိုပြီးတော့ခိုင်မာတဲ့၊ ညီညွတ်တဲ့ အဲဒီနည်းလမ်းနဲ့ သွားမယ်ဆိုရင်တော့ ပါလီမန်သဘောဆောင်တဲ့ အဖွဲ့အစည်းတရပ် ပေါ်လာရမယ်လေ။ အဲဒါပါ။ အဖွဲ့အစည်းတွေ ပါဝင်ဖို့က ကျနော်တို့ကတော့ အားလုံး လက်ခံမှပဲ၊ အားလုံးကို ကျနော်တို့ အကြောင်းကြားမယ်။ ပါမလား၊ မပါဘူးလား။ ပါချင်လည်း ရတယ်၊ မပါချင်လည်း ရတယ်။ အတိုက်အခံအနေနဲ့ ပါချင်လည်း ရတယ်။ သို့မဟုတ် အများစုသဘောထားကို ထောက်ခံတဲ့အနေနဲ့ လက်ခံလည်း၊ ပါရင်လည်း ရတယ်။ အခုကတော့ ခန့်မှန်းထားတာပဲ ရှိတယ်။ အခုက သဘောထားပဲ ရှိသေးတယ်။ အခုက အိုင်ဒီယာ အဆင့်ပဲ ရှိသေးတယ်။ အဲဒီ အိုင်ဒီယာကို အကောင်အထည်ဖော်တာကတော့ အမြန်ဆုံးကြိုးစားပြီးတော့ လုပ်သွားမှာပဲ။ ပါတဲ့အဖွဲ့တွေကတော့ NDF ပါမယ်။ နောက် DAB, MPU, NLD (LA) ဒေါက်တိုင်လေးတိုင်ပေါ့။ နောက်ပြီးတော့ ENC ပါလာနိုင်တယ်။ ENC တဖွဲ့လုံးပါရင် ကောင်းတယ်။ မပါနိုင်လည်း ENC အဖွဲ့ဝင်တွေအနေနဲ့ ပါလာနိုင်တယ်။ ကရင်နီတို့၊ ရှမ်းတို့ပေါ့ဗျာ။ စစ်အစိုးရအနေနဲ့ကတော့ သူ့ဘက်က ကျနော်တို့ကို တုံ့ပြန်မယ်ဆိုတာ အခုအခြေအနေထက် ဆိုးတာ မရှိတော့ဘူးဗျ။ သူက ဒီပုံစံမျိုးပဲ ဆက်သွားနေမှာပဲ။ တကယ်လို့ တရုတ်အားကိုးတို့၊ အိန္ဒိယအားကိုးတို့နဲ့ အတည်ပြုသွားဖို့ လုပ်တယ်ဆိုလည်း တမျိုးပေ့ါဗျာ။ ခြိမ်းခြောက်သင့်တန် ခြိမ်းခြောက်၊ ချော့တန်ချော့ပြီး ကျနော်တို့က လုပ်သွားမယ်ပေါ့။ ကျနော်တို့က အရင်ကလို ပျော့ပျော့ပြောင်းပြောင်းလေး လုပ်နေလို့ မရတော့ဘူး။ အဓိကကတော့ နအဖကလည်း သူ့လမ်း သူသွားတယ်ဆိုတော့ ကိုယ်ကလည်း ကိုယ့်လမ်း ကိုယ်လုပ်ရတော့မယ်လေ။ အရင်တုန်းကတော့ သုံးပွင့်ဆိုင်လေးများ ဖြစ်မလားဆိုပြီးတော့၊ နည်းနည်းချော့ပြီးတော့၊ မျောပြီးတော့ လိုက်တဲ့သဘော ရှိတယ်လေ။ အခုဟာ နအဖက သုံးပွင့်ဆိုင် မလုပ်တော့ဘူးဆိုတာ သေချာနေပြီ။ ဒီတော့ ကိုယ်ကလည်း ကိုယ့်နည်းကိုယ့်ဟန်နဲ့၊ ကိုယ့်လမ်းနဲ့ ချော့နေဖို့ မလိုတော့ဘူးလေ။ သုံးပွင့်ဆိုင်လုပ်ဖို့လည်း တံခါးကလည်း ဖွင့်ထားပါတယ်။ ကိုယ်အကောင်ဆုံးဖြစ်မယ်လို့ ထင်တဲ့လမ်းကို ပိုပြီး ကျစ်ကျစ်လစ်လစ်၊ ခိုင်ခိုင်မာမာနဲ့သွားချင်တယ်ဆိုရင်တော့ အခုလိုရော့ရဲရဲ မဟာမိတ်တွေပုံစံနဲ့သွားလို့တော့မရဘူး ပိုပြီးကျစ်လစ်တဲ့ ခိုင်မာတဲ့ ပုံစံတစ်ခုနဲ့ သွားရမယ် အဲသည့်သဘောပါ။ All state holder ပေါ့ဗျာ။ တိုတိုနဲ့လိုရင်း ပြောမယ်ဆိုလို့ရှိရင် လက်နက်ကိုင်ရှိတဲ့ အဖွဲ့အစည်းတွေလည်း ပါမယ်ပေါ့ဗျာ။ နောက်ပြီးတော့ အစိုးရဖွဲ့မယ်ဆိုတဲ့သဘော ရှိတယ်။ အစိုးရဆိုရင် နယ်မြေရှိရမယ်၊ လူထုရှိရမယ်၊ တပ်ရှိရမယ်၊ ပါလီမန်ရှိရမယ်။ ဒါပေမဲ့ ကျနော်တို့ ပါလီမန်ကနေ အစိုးရကို သွားမယ်။ အဲဒီသဘောပါ။ အခုဟာက NCUB နဲ့ပဲ မလုံလောက်တော့ဘူးလို့ ကျနော်တို့ အဲဒီလို မြင်တယ်။ သူတို့က အမတ်တွေနဲ့ပဲ ဖွဲ့ချင်တယ်။ အခုလုပ်လာတာ အနှစ် ၂၀ ရှိပြီ။ မလုံလောက်ဘူးပေါ့ဗျာ။ ကျနော်က အဲလိုမြင်တယ်။ (အားမရဘူး၊ ပျော့ပြောင်းတယ်)။ အခုက ကြေညာချက်ထုတ်တဲ့ အဆင့်ပဲ ရှိသေးတာပါ။ NCUB ကနေ ဦးစီတဲ့သဘောတော့ ရှိမှာပေါ့။ ဒါပေမဲ့ NCUB ထဲမှာတော့ ဖြစ်ချင်မှ ဖြစ်မယ်လေ။ ဖော်ပြထားတဲ့ကိစ္စက ပါလီမန်သဘော ဆောင်တယ်။ အခုဟာက ပါလီမန်မဟုတ်ဘူး။ အခုအဖွဲ့အစည်းတွေက မဟာမိတ်၊ လျော့ရဲသော မဟာမိတ်တွေ ဖြစ်နေတာကိုး၊ NCGUB နဲ့ ထိတ်တိုက် ဖြစ်လာမလား သူတို့အနေနဲ့ အတိုက်အခံဘက်မှာနေမလား၊ အစိုးရဘက်မှာနေမလား၊ အဲဒါတော့ ရှိတာပေါ့ဗျာ။ အစိုးတရပ်မှာ အတိုက်အခံကတော့ ရှိရပါမယ်။ အကယ်၍ အစိုးရအသစ်ဖွဲ့ရင် အဲဒီမှာ National Unity Party Government ဆိုတဲ့ အတွေးအခေါ်တွေ ရှိတယ်လေ။ အဲဒီအတွေးအခေါ်က အရင်ပုံစံလို လျော့ရဲရဲ မလုပ်မရှုပ်မပြုတ်ဆိုတဲ့ ပုံစံမျိုးနဲ့တော့ သွားလို့မရတော့ဘူးလေ။ ပြုတ်စရာရှိရင် ပြုတ်၊ လုပ်စရာရှိရင် လုပ်။ အဲဒီလိုပေါ့။ အဖွဲ့သစ်အပေါ် မျှော်လင့်ချက် ကျနော်တို့အားလုံး ပါမယ်ပေါ့ဗျာ။ လူမျိုးကို ကိုယ်စားပြုတာလည်း ပါမယ်။ State ကိုယ်စားပြုတာလည်း ပါမယ်။ အဖွဲ့အစည်းကိုယ်စားပြုတဲ့၊ အားလုံးကျေနပ်တဲ့ အဖွဲ့အစည်းပေါ့။ အဲဒီမှာ ဒီမိုကရေစီ အခြေခံကျကျ လုပ်သွားမယ်။ ဒေါက်တာတင့်ဆွေ (၀န်ကြီး) ပြည်ထောင်စု မြန်မာနိုင်ငံ အမျိုးသားညွန့်ပေါင်းအစိုးရ (NCGUB) NCUB က အစိုးရသစ်တရပ် ဖွဲ့စည်းမယ့် အစီအစဉ်အပေါ် ဘယ်လိုမြင်ပါသလဲ။ ပြောရတာ နဲနဲခက်ပါတယ်။ တေ့တေ့ဆိုင်ဆိုင် တရားဝင် တိုင်ပင်ရသေးခြင်းတော့ မရှိသေးပါဘူး။ ကျယ်ကျယ်ပြန့်ပြန့် ဖြစ်စေချင်တဲ့သဘောမျိုးကို ကျနော်တို့က မူအရ လက်ခံပြီးသားရှိတာ အမှန်ပါ။ ဒီထက်ပိုပြောဖို့ စောပါသေးတယ်။ စင်ပြိုင်အစိုးရ ၂ ရပ်ဖြစ်လာနိုင်လို့ ဘယ်လို အကျိုးသက်ရောက်မှုတွေ ဖြစ်လာနိုင်လဲရှင့် နှစ်ဖွဲ့ဖြစ်တယ်ဆိုတာ ဘယ်လိုအဖွဲ့ဖြစ်ဖြစ် မကောင်းပါဘူး။ ဒေလီမှာ တယောက်က တခုလုပ်တာကို နောက်တယောက်က စင်ပြိုင်လိုက်လုပ်တဲ့အကျင့်မျိုး ဖျောက်ကြဖို့ နှစ်ပေါင်းများစွာ ကြိုးစားနေခဲ့တာမို့ ကျနော် အတော်မကြိုက်တဲ့၊ ကလေးဆန်တဲ့ နိုင်ငံရေးလုပ်ရပ်မျိုး ဖြစ်ပါတယ်။ ဒါပေမဲ့ တပ်ပေါင်းစုခေါင်းဆောင်များဟာ အတွေ့အကြုံရော၊ ၀ါအရပါ ရင့်ကျက်သူတွေ ဖြစ်ကြပါတယ်။ အခုလို ဖြစ်လာလို့ စည်းလုံးမှု ပြိုကွဲသွားမယ်လို့ ပြောနေကြတာကို ဘယ်လိုသဘောရလဲရှင့် စည်းလုံးမှုကို ထိခိုက်တာမှန်သမျှ အားလုံးက ရှောင်ရမှာပါ။ ဒီထက် စည်းရုံးအောင်၊ ညီညွတ်အောင် လုပ်ကြဖို့ လူတိုင်းက ပြောနေ၊ ရေးနေချိန်ပါ။ ကျနော်တို့က နမူနာမပြနိုင်ရင် ကျနော်တို့ထက် ညံ့မယ့်သူ ရှိမှာမဟုတ်တော့ပါ။ NCGUB အနေနဲ့ကတော့ စည်းလုံးညီညွတ်ရေး ထိပါးမယ်ဆိုရင် ကိုယ့်အရှိ လက္ခဏာလေးတွေ ဖြစ်ပါစေ။ Sacrifice လုပ်မှာပါ။ မှန်တယ်ထင်တဲ့ နိုင်ငံရေးရပ်တည်ချက်ကိုတော့ စွန့်မှာမဟုတ်ပါဘူး။ NCUB က ဖွဲ့မယ့် အစိုးရမှာ လက်နက်ကိုင်တပ်ပါ ပါလာမယ်ဆိုတော့ ဒါကို ဘယ်လိုသဘောရလဲရှင့် လက်နက်ကိုင်တပ်ဖြစ်ဖြစ်၊ လုံခြုံရေးအစီအမံဖြစ်ဖြစ် စစ်အာဏာရှင်စနစ် တိုက်ဖျက်ရေးမှာ လိုအပ်တာအမှန်ပါ။ ၂၀ နှစ်တာ သင်ခန်းစာက "နည်းလမ်းအစုံနဲ့ လူတိုင်းက ပါဝင်ကြိုးပမ်းရမယ်။ သူများ အားမကိုးနဲ့" ဆိုတာ ဖြစ်ပါတယ်။ တခုရှိတာက လုပ်ချင်တာနဲ့ လုပ်လို့ရတာ ထပ်တူမကျတတ်ပါဘူး။ တွက်စရာတွေ၊ ကြည့်စရာတွေ၊ ထောက်စရာတွေကို ချိန်ဆဖို့ လိုပါတယ်။ ၀န်ကြီးဌာနအမည်မပါဘဲ လုပ်နိုင်တာရှိသလား၊ ကြည့်ဖို့ သင့်ပါတယ်။ အစိုးရတရပ်နဲ့ တပ်ကို တွဲလိုက်ရင် ကနေ့လို အခင်းအကျင်းမှာ အတော်ကို တွက်စရာ၊ ကြည့်စရာ၊ ထောက်စရာတွေ များပါတယ်။ ကျနော်တို့ အစိုးရထဲမှာ အခုထိ တပ်မပါခဲ့သေးတာ အဲဒါကြောင့်ပါ။ NCUB က NCGUB နဲ့ ပူးပေါင်းဆောင်ရွက်မယ်လို့ ပြောတော့ အခု ညှိနှိုင်းဆောင်ရွက်မှုအပိုင်းက ဘယ်လိုရှိလဲရှင့်။ NCUB နဲ့ NCGUB တို့က အမြဲလိုလို ထိစပ်နေတာပါ။ ၀န်ကြီးတာဝန်ရှိသူတဦးက သဘာပတိအဖွဲ့ဝင်ပါ။ စကတည်းကဆိုပါတော့။ နောက်ဆုံးကြေညာချက်မှာတော့ ညှိနှိုင်းဆောင်ရွက်မှုအပိုင်းက မပြည့်စုံလိုက်ဘူး ထင်ပါတယ်။ ဦးခွန်မားကိုဘန်း (ဒု-ဥက္ကဋ္ဌ) ပြည်ထောင်စု မြန်မာနိုင်ငံ အမျိုးသားကောင်စီ (NCUB) NCUB က DAB, MPU, NDF, NLD (LA) ဆိုတဲ့ တပ်ပေါင်းစု ၄ ဖွဲ့နဲ့ ဖွဲ့စည်းထားတယ်။ သူရဲ့မူမှာ နိုင်ငံရေးမူ ချမှတ်တဲ့နေရာမှာ သူ့ရဲ့ ဒီ ထောက် ၄ ထောက်ကနေပြီးတော့ ပါဝင်ဆက်စပ်ညှိနှိုင်းကြပြီးမှသာ ချမှတ်လို့ ရမယ်ဆိုတာ မူချမှတ်ထားပါတယ်။ ကျနော်က NCUB ထောက် ၄ ထောက်ရဲ့ ဥက္ကဋ္ဌ ၄ ဦး အနက်က MPU ထောက်မှာ ဒု ဥက္ကဋ္ဌ နေရာမှာ ပါပါတယ်။ အခု ကြေညာချက်နဲ့ ပတ်သက်လို့ ကြိုတင်ညှိနှိုင်းမှု မသိလိုက်ပါဘူး။ ကြေညာချက် ထုတ်ပြန်လိုက်မှ သိရပါတယ်။ အခုလိုပြောလို့ ဒါကို ဆန့်ကျင်တယ်လို့တော့ မသတ်မှတ်စေချင်ပါဘူး။ ဒါပေမဲ့ ဘာပဲဖြစ်ဖြစ် တပ်ပေါင်းစုရဲ့ မူအရတော့ ညှိနှိုင်းသင့်တယ်လို့ တင်ပြလိုပါတယ်။ ဒီလိုဖွဲ့ရင် ဘယ်လိုဖြစ်လာမယ်ဆိုတဲ့နေရာမှာ အဲဒီလို ဖွဲ့နိုင်ဖို့အတွက်က NCUB တပ်ပေါင်းစု ထောက် ၄ ထောက်မှာ အသေအချာ၊ အကျေအလည် ညှိနှိုင်းသဘောတူညီမှုကို ရရှိမှသာ၊ နောက်ပြီးတော့ ဒါတင်မကဘူး၊ တိုင်းရင်းသားအင်အားစု အဖွဲ့အစည်းနဲ့လည်း အကျေအလည် ညှိနှိုင်းမှု ယူရမှာ ရှိတယ်။ နောက်ပြီးတော့ ဒီ့အပြင်မှာ ပြည်တွင်းအင်အားစုနဲ့လည်း ဘယ်လိုပဲဖြစ်ဖြစ် နားလည်မှု လုပ်ဆောင်သွားဖို့ လိုအပ်တယ်။ နောက်ပြီးတော့ နိုင်ငံတကာက ဒီမိုကရေစီ အားပေးတဲ့ နိုင်ငံတွေကိုလည်း ဘာကြောင့် ဒီလိုလုပ်ရလဲ ဆိုတာကိုလည်း သူတို့ကိုလည်း ဒီအပေါ်မှာ အလန့်တဖြန့် မဖြစ်ဖို့နဲ့ နားလည်မှု ရှိရှိနဲ့ စဉ်းစားသင့်တယ်။ လောလောဆယ်မှာတော့ ဒီကိစ္စနဲ့ပတ်သက်ပြီး ကြိုတင် ဝေဖန်သုံးသပ်တာတွေ မလုပ်လိုပါဘူး။ ကိုဝင်းမင်း (မြန်မာ့အရေး လေ့လာသူ) အရင်တခု ရှိပြီးသားမှာ နောက်တခု ပေါ်လာမယ်ဆိုရင်တော့ ပြောရမယ်ဆိုရင်တော့ စိုးရိမ်စရာတော့ အမှန်ပါပဲ။ အတိုက်အခံ အသိုင်းအ၀ိုင်းမှာ ဒီလိုဖြစ်နေတယ်ဆိုတာ အထူးသဖြင့်ကတော့ နိုင်ငံတကာ အသိုင်းအ၀ိုင်းမှာ စိုးရိမ်စရာတွေ ဖြစ်လာပါမယ်။ သူတို့ (နအဖ) အနေနဲ့ကတော့ မညီညွှတ်အောင် ပိုပြီး ဖြစ်စေချင်တဲ့ သဘောမျိုး ရှိတာပေါ့နော်။ မြန်မာအစိုးရရဲ့ သဘာဝကတော့ တဖက်လှည့်နည်းမျိုးနဲ့ အုပ်ချုပ်လေ့ရှိတာကိုး။ နောက် ရှိသမျှအဖွဲ့တွေ ခွဲပြီးတော့ သူက အားနည်းသွားအောင် လုပ်ခြင်းအားဖြင့် သူက အုပ်ချုပ်တာဆိုတော့ ညီညွှတ်ရေးကွဲပြားမှုကို သူက လိုလားတာပေါ့။ ၂၀၁၀ မှာ နအဖက ရွေးကောက်ပွဲလုပ်ပြီးလို့ရှိရင် နိုင်ငံတကာက ထောက်ခံမှု ရအောင်လို့ သူက ကြိုးစားမှာကိုး။ အဲဒါကို တန်ပြန်တဲ့အနေနဲ့ စင်ပြိုင်အစိုးရကို ဖွဲ့ပြီးတော့ နိုင်ငံတကာမှာ လက်ရှိ မြန်မာအစိုးရကို မထောက်ခံဖို့ အဲဒီအတွက် သူတို့က ရည်ရွယ်ပြီးတော့ ဖွဲ့တယ်ဆိုရင်တော့ ကျနော်ထင်တယ် အချိန်ကာလ အားဖြင့်ဆိုရင် မှန်တဲ့သဘောကို ဆောင်တယ်ပေါ့နော်။