ပါလီမန်ဒီမိုကရေစီနှင့် ဥပဒေစိုးမိုးရေး (ဒုတိယပိုင်း)

၁။ သြကာသလောကဟု ခေါ်ဆိုကြသော ရေမြေတောတောင်ပါဝင်သည့် နယ်နီမိတ်ဖြင့် ထင်ရှားစွာ သီးသန့် သတ်မှတ်ပိုင်းခြားထားသော ဒေသ (Territory)။
၂။ ထိုမြေကြီးကို အမှီပြုရွေ့ နေထိုင်ကြသော ပြည်သူလူထု (Population)။
၃။ ထိုမြေနှင့် ထိုလူမျိုးသည် သူတစ်ပါး၏ လက်အောက်ခံမဟုတ်။ လွတ်လပ်သော တိုင်းပြည်နှင့် လူမျိုးဖြစ်ရွေ့ အချုပ်အခြာအာဏာ (Sovereignty)ရှိခြင်း။
၎။ ထိုအချုပ်အခြာ အာဏာစက်အရ အုပ်ချုပ်သော အစိုးရ (Government) ရှိခြင်း။

အာဏာရှင်နိုင်ငံဖြစ်စေ၊ လူတစ်စု စိုးမိုးသော နိုင်ငံဖြစ်စေ၊ လူထုစိုးမိုးသော နိုင်ငံဖြစ်စေ အထက်ပါ အင်္ဂါ ၄ ရပ်နှင့် ပြည့်စုံသော နိုင်ငံမျိုးသာ ဖြစ်ပေသည်။ အချုပ်အခြာ အာဏာစက်တည်ရာ ဆင်းသက်ရာသာလျှင် တစ်မျိုးနှင့် တစ်မျိုး ခြားနားကြ၏ ။ ယင်းအချုပ်အခြာ အာဏာကို လူထုအပေါ်သို့ ပျံ့နှံ့စေသောအခါနှိုက် လူထု၏ ဆနနှင့် ကိုက်ညီလျှင် လူထု၏ အကျိုးကို သက်ရောက်သည့်အတွက် ၄င်းအချုပ်အခြာအာဏာစက်သည် စွဲမြဲတည်တံ့၏။

ထိုနည်းတူစွာပင် လူတစ်စု အုပ်ချုပ်သော နိုင်ငံတွင် ထိုလူတစ်စု၏အာဏာစက်ကို လူထုအပေါ်သို့ ပျံ့နှံ့စေရာနှိုက်၊ လူထုအကျိုး၊ လူထု၏ ဆနနှင့် ကိုက်ညီနေပါက ယင်းလူတစ်စု၏အာဏာစက်သည် စွဲမြဲတည်တံ့မည် ဖြစ်ပေသည်။

အချုပ်အခြာအာဏာပိုင်သည် လူထုဖြစ်ပါက ထိုအချုပ်အခြာအာဏာပိုင် လူထု၏အာဏာစက်သည် လူထုအပေါ်သို့ ပြန်လည်ပျံ့နှံ့ရေက်ရှိလာသည့်အခါတွင် လူထု၏ ဆန၊ လူထု၏အကျိုးသာ ဖြစ်သောကြောင့် တန်ပြန်မှု (Reactionary)၊ တော်လှန်မှု (Revolt or Revolution) မျိုး မဖြစ်မူရွေ့၊ လူထု၏အချုပ်အခြာ အာဏာသည်လည်း တည်တံ့ခိုက်မြဲခြင်း ရှိနိုင်ပေသည်။

အချုပ်အခြာအာဏာစက်ကို လက်တွေ့ အကောင်အထည်ဖေါ်လျှင် ဥပဒေနှင့် အမိန့်များသာ ဖြစ်၏။ အုပ်ချုပ်ရေး အာဏာစက်ဖြစ်သည့် ဥပဒေများ (Laws) သည် ဒီမိုကရေစီနိုင်ငံများတွင် လူထု၏ အချုပ်အခြာအာဏာစက်ဖြင့် ဥပဒေပြု ယနရားမှ ပေါ်ထွက်လာရွေ့ လူထု၏ဆနနှင့် အကိုက်အညီသာလျှင် ဖြစ်သည်။ အာဏာရှင် နိုင်ငံနှင့် လူတစ်စု အုပ်စိုးသော နိုင်ငံများတွင်မူ ထိုဥပေဒ (Laws) သို့မဟုတ် အမိန့် (Orders) တည်းဟူသော အချုပ်အခြာအာဏာစက်သည် လူထု၏ ဆနနှင့် ကိုက်ညီချင်မှ ကိုက်ညီပေမည်။

နိုင်ငံတော်၏ အင်္ဂါအစိတ်အပိုင်း ၄ ခုအနက် အချုပ်အခြာ အာဏာဆိုသည့် အစိတ်အပိုင်းကို အတော်အသင့် ရှင်းလင်းပြခဲ့ပေပြီ။ ထိုအချုပ်အခြာ အာဏာစက်ကို လည်ပတ်စေရန် (၀ါ)လူထုနှင့် တိုင်းပြည်ပေါ်သို့ ပျံ့နှံ့စေရန် မည်ကဲ့သို့ ပြုလုပ်သည်ကို ယခု တင်ပြလိုပေသည်။

အစိုးရ (ပါလီမန်)
နိုင်ငံတော်အစိုးရ (Government) တည်းဟူသော ယနရားကြီးသည် အချုပ်အခြာအာဏာစက်ကို သက်ရောက်စေ၏။ ယင်းအစိုးရ ယနရားကြီးတွင် (Orgams of Government) အစိတ်အပိုင်း ၃ ခု ရှိ၏။ ၄င်းတို့မှာ - ဥပဒေပြု ယနရား(Legislative Organ) ၊ အုပ်ချုပ်ရေးယနရား (Executive Organ) နှင့် တရားစီရင်ရေးယနရား (Judicial Organ) များ ဖြစ်ကြ၏။

ပါလီမန်ဒီမိုကရေစီစနစ်တွင် လူထုသည် အချုပ်အခြာအာဏာပိုင်ဖြစ်ရကား တရားသဖြင့် ပြုလုပ်သော ရွေးကောက်ပွဲအရ လူထုတင်မြှောက်သော ပါလီမန် (၀ါ) ဥပဒေပြုယနရားသည် တန်ခိုးအကြီးဆုံးပင်ဖြစ်၏။ ယင်းဥပဒေပြုယနရားတွင် လွတ်တော်တစ်ရပ် (Uni - Cameral) သို့မဟုတ် အများအားဖြင့် လွှတ်တော်နှစ်ရပ် (Bi- eameral) ရှိရွေ့ ပါလီမန်ဟု ခေါ်ကြ၏ ။ ပါလီမန်သည် အကန့်အသတ်မ၇ှိ ဥပဒေပြုနိုင်ခွင့်အာဏာ (unlimited powers of legislation)ရှိသည့်အပြင် များသောအားဖြင့် အုပ်ချုပ်ရေးခေါင်းဆောင်နှင့် တရားစီရင်ရေး၊ ယနရားခေါင်းဆောင်များကို ရွေးချယ်တင်မြှောက်ရ၏။ အချို့သော ဒီမိုကရေစီနိုင်ငံများတွင်မူ ယင်းပုဂိုလ်များကို ပါလီမန်က ရွေးချယ်ခြင်း မပြုဘဲ လူထုက တိုက်ရိုက်သီးသန့် ရွေးကောက်တင်မြှောက်ကြသည်။

အာဏာရှင်နိုင်ငံများတွင် အချုပ်အခြာအာဏာသည် အာဏာရှင်တွင် တည်ရှိသဖြင့် ဥပဒေပြုယနရားနှင့် တ၇ားစီရင်ရေးယနရားကို ဦးစားမပေးပဲ အုပ်ချုပ်ရေးယနရားကိုသာ အထူးဦးစားထား အလေးချိန်ပေးရွေ့ အုပ်ချုပ်တတ်ပေသည်။ ပါလီမန်ဒီမိုကရေစီတွင် အုပ်ချုပ်ရေးယနရားအား ဦးစားမပေးပဲ ၄င်းအား ထိန်းသိမ်းချုပ်ကိုင်ခြင်းသဘော၊ မဲတင်းညှိနှိုင်းခြင်း (Check and Balance) သဘောဖြင့် ထားရှိတတ်ပေသည်။

လူထု၏အချုပ်အခြာအာဏာစက်ဖြစ်သော မဲဆနဖြင့် ရွေးကောက်တင်မြှောက်လိုက်သော လူထုကိုယ်စားလှယ်များ ပါဝင်သည့် ဥပဒေပြုယနရား (၀ါ) ပါလီမန်သည် လူထု၏ အကျိုး ၊ လူထု၏ဆနနှင့် ကိုက်ညီသော အချုပ်အခြာအာဏာစက်ဟု ဆိုအပ်သည့် ဥပဒေကို ပြဌာန်းလျက် လူထုက တင်မြှောက်သော အစိုးရ (၀ါ) အုပ်ချုပ်ရေးယနရားအား ဥပဒေနှင့်ကိုက်ညီစွာ အုပ်ချုပ်စေပြိးလျှင် လူထု၏ အာဏာစက်ဖြစ်သော ဥပဒေကို လူထုအပေါ် တဖန်သက်ရောက်ပြန့်နှံ့စေရန် လူထု၏အကျိုးကို ဖြစ်ထွန်းစေ၏။ ထိုနိုင်ငံကို ပါလီမန်ဒီမိုကရေစီနိုင်ငံ (၀ါ) ဥပဒေနိုင်ငံ (၀ါ) လူထုအချုပ်အခြာအာဏာပိုင်နိုင်ငံဟု ခေါ်ဆိုကြပေသည်။

အချုပ်အခြာအာဏာ၏ အနက်အဓိပါယ်နှင့် သဘောကို တင်ပြခဲ့ပြီးဖြစ်၏။ ထိုမှတစ်ပါး အချုပ်အခြာအာဏာစက်သည် ပါလီမန်ဒီမိုကရေစီနိုင်ငံတွင် မည်သည်နှိုက် ရပ်တည်ရွေ့ အုပ်ချုပ်ရေးယနရား၊ တရားစီရင်ရေးယနရားတို့မှ တစ်ဆင့် မည်သို့လည်ပတ်သည်ကို တင်ပြခဲ့ပေပြီ။